Búgin Shymkenttegi fızıka-matematıka baǵytyndaǵy Nazarbaev Zıatkerlik mektebinde «Jasampazdyq pen damý joldary» atty taqyryp aıasynda ashyq sabaq ótti. El Táýelsizdiginiń 30 jyldyǵyna aralǵan arnaıy sharaǵa ońtústik óńiriniń 4000 oqýshysy qashyqtyqtan qatysty.

El Táýelsizdigin alǵannan keıin Qazaqstan ıadrolyq qarýdan bas tartyp, ózgege elderge úlgi bolar alǵashqy qadamyn jasady. Bul Elbasy Nursultan Nazarbaevtyń qarýsyz álem qalyptastyrýdaǵy birinshi bastamasy bolatyn. Sondaı-aq, Semeı polıgony jabyla salysymen Nevada qozǵalysynyń oryn alýy, álemdik syn qaterler men qaýiptiń betin qaıtardy.

Tarıh páni boıynsha tikeleı efır arqyly ótip jatqan aýqymdy ashyq sabaqta Egemendiktiń 30 jylynda jetken jetistikterimizdiń biri - Álemdik jáne dástúrli dinder lıderleriniń sezin ótkizýge baılanysty sóz qozǵaldy. Mańyzdy sıeziń birinshi otyrysy 2003 jyly ótip, sodan beri Qazaqstan dıalog pen ózara is-qımyldyń biregeı alańyna aınaldy. Álemdik qoǵamdastyq pen tanymal saıasatkerlerdiń, sondaı-aq dinı qaıratkerlerdiń tarapynan elbasynyń bul bastamasy joǵary baǵalandy. Sonymen qatar, elimiz órkenıetaralyq jáne dinaralyq dıalogtyń mańyzdy halyqaralyq ortalyǵy retinde moıyndaldy.

Álemde bolyp jatqan syn qaterler men qaýipten qorǵaný aıasynda Qazaqstan barynsha beıbit kelissózder júrgizgeni alpaýyp elderdiń óziniń aýzyn ashtyrdy.

Osy oraıda, Sırıadaǵy azamattyq qaqtyǵystarǵa qatysty máseleni kelissózder arqyly sheshýdi, sonyń ishinde Taıaý Shyǵys aımaqtarynda mańyzdy ról atqarady. Qazaqstannyń Sırıadaǵy azamattaryn elge qaıtarý aıasynda jasaǵan «Jýsan» operasıasyn da ózge memleketter asa joǵary baǵalady. Táýelsiz Qazaqstannyń damý aspektileri jan-jaqty taldanǵan ashyq sabaqqa tele kópir arqyly 4 myńǵa jýyq oqýshy qatystyryldy