Úshinshi megapolıste «Shymkent qalasy Kásipodaqtar ortalyǵy» aýmaqtyq kásipodaqtar birlestigi jáne «Shymkent BUS» JSHS-i bastaýysh kásipodaq uıymynyń muryndyq bolýymen saltanatty shara uıymdastyryldy.

«Shymkent BUS» JSHS-nde ótken merekelik kesh Kólik qyzmetkerleri kúni, Konstıtýsıa kúni, kompanıanyń qurylǵanyna 2 jyl tolýyna oraılastyryldy. Onda kásipodaq múshelerine, júrgizýshiler men jumysshylarǵa sanatorııge joldamalar, Alǵys hat pen Qurmet gramotalary tabystaldy.

Marapattardy «Shymkent qalasy kásipodaqtar ortalyǵy» aýmaqtyq kásipodaqtar birlestiginiń tóraǵasy Baýyrjan Álteev jáne bastaýysh kásipodaq tóraıymy Qarlyǵash Qoldasbekova, mekeme dırektory Azat Qaıypbekov tabystady. Aıta keteıik, kompanıa qurylǵanyna bıyl 2 jyl tolyp otyr. Al, bastaýysh kásipodaq uıymy qurylǵanyna 1,5 jyl toldy.

Búgingi tańda «Shymkent Bus» JSHS-inde 1000-nan astam jumysshy jumys isteıdi. Onyń 700-i kásipodaq múshesi. Bul kúni Sanatorııge joldamalar 21 jumyskerge 100 paıyzdyq jeńildikpen berildi.

Sondaı-aq, 25 jumyskerge Qurmet gramotasy men qarjylaı syıaqy tabystaldy. Ata-anasy ómirden ozǵan 4 jumysshyǵa, jańa otbasy qurǵan 2 azamatqa, 1 mereıtoı ıesine 50 myń teńgeden bastaýysh kásipodaq qarjysy esebinen materıaldyq kómek berildi. Igi shara aldaǵy ýaqytta da jalǵasyn tabatyn bolady