4-shi TAPSYRMA

QR Eńbek jáne halyqty áleýmettik qor­ǵaý mınıstrligi 2013 jyldyń 1 shildesine deıin:

- ózin ózi eńbekpen qamtyǵandar to­byn­daǵy eńbekke qabiletti halyqty naqty jaǵ­daılardy jáne jumyspen qamtý salasynyń perspektıvasyn eskere otyryp, jumyspen qamtýǵa qaraı oıystyrýdyńádistemesin ázirlesin;

- ózin ózi eńbekpen qamtyǵan halyqty aı­qyndaý jónindegi jańa ádistemeni eskere oty­ryp, jumyssyzdyq deńgeıin aıqyndaýdyń ádistemesin jetildirsin.

Áleýmettik-eńbektik qatynastardyń barlyq sýbektileriniń quqyqtyq saýattylyǵyn arttyrý - jumyspen qamtý salasyndaǵy qatynastardy jetildirý jónindegi jumystyń mańyzdy bóligi.

Men mynany atap kórsetkim keledi: eńbek adamy quqyqtyq máselelerden tysqary qalýy tıis emes.

Jumysqa ornalasa otyryp, olardyń barlyǵy ózderi qol qoıatyn árbir qaǵazǵa mán berip, olar­dyń mańyzyn túsinýleri kerek.

2007 jyly qabyldanǵan Qazaqstan Respýb­lı­kasynyń Eńbek kodeksi jumyspen qamtýdyń barlyq salalaryn quqyqtyq qamtamasyz etý jo­lyndaǵy mańyzdy qadam boldy. Alaıda kóptegen sarapshylar kodekstiń qyzmetkerlerdiń barlyǵy birdeı túsinýleri úshin kúrdeli ekendigin atap kórsetýde.

Bul problemany sheshý úshin, birinshiden, jaldamaly jumysshylardy quqyqtyq oqytýlardy uıymdastyrý qajet. Bálkim, muny jumys berýshiler esebinen júrgizýge bolar. Ekinshiden, keń kólemdegi úgit-túsinik jumystaryn júrgizý, eńbek zańdarynyń negizderin túsinikti túrde baıandaıtyn túsindirý materıaldaryn jarıalaý kerek. 

5-shi TAPSYRMA

QR Eńbek jáne halyqty áleýmettik qorǵaý mınıstrligi:

- 2013 jyldan bastap qyzmetkerlerdi Qazaqstan Respýblıkasynyń eńbek zańdary­nyń negizderine oqytý júıesin uıymdastyrý týraly máseleni 2012 jyldyń 1 jeltoqsa­nyna deıin ázirlesin;

- Eńbek kodeksiniń negizgi erejeleri jáne eńbek qatynastaryn retteıtin basqa da qu­qyq­tyq aktiler jónindegi jalpyulttyq anyq­tamalyqtardyń biryńǵaı serıalaryn shy­ǵa­rý men taratýdyń, sonyń ishinde ınternet pen memlekettik organdardyń resmı saıt­tary­nyń múmkindikterin paıdalanýdyń jobasyn ázirlesin

b) Kásiptik biliktiliktiń ulttyq júıesi.

 Árbir adam, sonyń ishinde, ásirese, jastar belgili bir kásiptik saladan óz bolashaǵyn kórgisi keletindigin moıyndaý qajet. Bul - óte qalypty jaǵdaı. Óıtkeni, adam óziniń qaıda bet alǵan­dyǵyn anyq kórgen kezde ǵana bıikke qaraı kúsh-jigermen umtylady.

Sondyqtan biliktiliktiń ulttyq júıesin (BUJ) qurý jónindegi barlyq jumystarǵa barynsha ekpin berilýi qajet. Olar tek normatıvtik mańyzǵa ıe bolyp qana qoımaı, sonymen qatar, árbir kásip úshin «jol kartasy» da bolýy qajet.

BUJ árbir mamandyq boıynsha kásipqoılyq lıftini «qurýdyń» múmkindigin beredi. Onyń ústine bilikti jumysshylar ulttyq júıege engizilýi tıis.

BUJ-dy qurý úshin normatıvtik bazanyń negizderi Eńbek kodeksine 2010 jyly engizilgen qosymshalarda qalyptastyrylǵan. Alaıda bul úderisti jedeldetý kerek.

Qalyptastyrylatyn biliktiliktiń ulttyq jú­ıesiniń eń basty máselesi mynada: BUJ aıasynda ázirlengen kásipqoılyq úlgi-qalyptary oqý oryndarynda mamandar daıarlaý kezinde qabyldanatyn bilim úlgi-qalyptary úshin baǵdar bolýy tıis. Kásipqoılyq jáne bilim berý úlgi-qalyptarynyń arasynda alshaqtyq bolmaýy kerek.

Eńbek resýrstarynyń jalpy rynogyn qurýdy kózdeıtin Biryńǵaı ekonomıkalyq keńistik jaǵ­daıynda úsh elde biliktiliktiń ulttyq júıesin qurý jumystaryn úılestirý qyzmetiniń mańyzy zor.