"Amnesty International" jańa baıandamasynda Izraıl palestınalyqtarǵa tómen násildik top retinde qaraǵanyn, ıaǵnı "palestınalyqtarǵa qarsy aparteıd qylmysyn" jasap jatqanyn málimdedi. 

Seısenbide jarıalanǵan jetekshi quqyq qorǵaý tobynyń 280 bettik esebi Izraıl bıliginiń palestınalyqtarǵa qarsy qysym men ústemdik júıesin qalaı qoldanatyny týraly egjeı-tegjeıli baıandaıdy.

Ol jerde palestınalyqtardy zańsyz óltirý, jeri men múlkin keń kólemde basyp alý, kúshtep kóshirý, júris-turystaryn shekteý, ákimshilik qamaýǵa alý jáne palestınalyqtardy azamattyqtan bas tartýǵa májbúrleý sıaqty Izraıl tarapynyń zorlyq-zombylyqtarynyń tizimi jarıalandy.

Bul – halyqaralyq quqyq boıynsha, aparteıdtik júıeniń belgisi retinde sıpattalady.

"Amnesty International" muny aparteıdtiń belgileri bar adamzatqa qarsy qylmys ekenin aıtyp, aıyptady.

Izraıldiń syrtqy ister mınıstri jáne vıse-premer-mınıstri Iaır Lapıd bul esepti "shyndyqqa janaspaıdy" dep qabyldamady.

Ol sondaı-aq halyqaralyq quqyq qorǵaý uıymyn antısemıttik belgisi bar dep aıyptady.