Jambyl oblysy Moıynty – Saryshaǵan qos joldy ýchaskesiniń Novaly stansasynda vagondar relsten shyǵyp ketýi saldarynan birneshe poıyz qozǵalysy toqtady. Bul týraly Qazaqstan temir joly kompanıasynyń baspasóz qyzmeti habarlady.

Búgin túski ýaqytta osy ýchaskedegi júk poıyzynyń bıdaı tıelgen 12  vagony joldan shyǵyp ketken bolatyn. QTJ málimetinshe, apatty jaǵdaıǵa reseılik vagon búıir ramasynyń synýy sebep bolǵan.

Oqıǵa saldarynan tómendegideı jolaýshylar poıyzdarynyń qozǵalysy ýaqytqa toqtatylǵan.

1. "Pavlodar-SHymkent" qatynasyndaǵy №45/46 poıyzy;

2. №51/52 "Oral-Almaty-2" qatynasyndaǵy poıyzy;

3. "Almaty-2-Petropavl" qatynasyndaǵy №105/106 poıyzy;

4. №712/711 "Shymkent-Nur-Sultan Nurly jol" poıyzy;

5. "Almaty-2-Nur-Sultan Nurly jol" qatynasyndaǵy №3/4 poıyzy;

6. "Almaty-1-Nur-Sultan Nurly jol" baǵytyndaǵy №9/10 poıyzy.

"Sonymen qatar, poıyzdardyń keshigýine baılanysty, Nur-Sultan-Saryaǵash reısi boıynsha qaıta otyrǵyzý bolmaıtyn vagondar jolaýshylaryn tasymaldaýdy qamtamasyz etý úshin "Shymkent-Saryaǵash" ýchaskesinde №501/502 "Shymkent-Saryaǵash" qatynasymen 1 Reıske qatynaý uıymdastyryldy" delingen QTJ taratqan aqparattyq habarlamada.

Vagondardaǵy bıdaı aýǵanstanǵa jóneltilip bara jatqany habarlandy.