Bolgarıa Belene qalasynda AES salý ıdeıasynan bas tartty. AES qurylysyn Reseı júrgizýge tıis bolǵan. Alaıda atomelektrstansasyn ózge "Kozlodýı" qalasynan salýdy oılap otyr, dep habarlady gazeta.ru saıty.

Eldiń premer-mınıstri Kırıl Petkov Belenede AES reaktorlary salynbaıtynyn, jańa reaktorlardy "Kozlodýı" qalasynda salý múmkindigi qaralyp jatqanyn málim etti bTV  telearnasyna bergen suhbatta.

2006 jyly Bolgarıanyń ulttyq elektrenergetıka kompanıasy "Rosatommen" Belenede AES qurylysyn salý týraly kelisim jasasqan.

El úkimeti jobaǵa 1,5 mlrd eýro jumsap, 2009 jyly "Belenedegi" qurylys toqtatylǵan. 2012 jylǵy naýryzda AES salýdan bastartý týraly sheshim qabyldady. Alaıda ol kezde "Rosatom" reaktorlardyń alǵashqy komplektin jasap úlgergen. 2016 jyly Bolgarıa "Rosatomǵa" 601 mln eýro ótemaqy qaıtaryp beredi.

2018 jyly eldiń sol kezdegi premer-mınıstri Boıko Borısov Bolgarıa Belenedegi qurylysty jandandyratynyn, ony strategıalyq ınvestor arqyly konkýrstyq prosedýra negizinde júrgizetinin málim etken. "Rosatom" qurylysqa halyqaralyq kooperasıa aıasynda jobaǵa qatysýǵa ázirligin jetkizdi.

2020 jylǵy mamyrda "Rosatom", Framatome SAS jáne GE Steam Power Belenedegi AES qurylysy boıynsha memorandýmǵa qol qoıady. Alaıda pandemıaǵa baılanysty konkýrstyq prosedýralar keıinge qaldyryldy.

2021 jylǵy qańtarda Bolgarıa "gıbrıdtik" atom reaktoryn salatyny, "Belenedegi" AES qurylysynan kezekti ret bas tartatyny, "Rosatom" ornatqan jabdyqtar "Kozlodýı" elektrstansıasyna salynatyn jańa reaktorǵa ornatylatyny belgili boldy.