Qazaqstannyń Ýkraınadaǵy elshiligi tótenshe jaǵdaılar týyndaǵan jaǵdaıda der kezinde kómek kórsetý maqsatynda Qazaqstan Respýblıkasynyń azamattaryn konsýldyq esepke turýyǵa shaqyrdy.
"Qazaqstan Respýblıkasy Elshiliginiń veb-saıtynda ornalastyrylǵan tirkeý kartasyn toltyryp, tólqujatyńyzdyń kóshirmesimen birge consul.kiev@mfa.kz elektrondyq poshtasyna jiberý arqyly Elshilikte jeke qatysýsyz konsýldyq tirkeýge turýǵa bolady" delingen aqparattyq habarlamada.
Elshilik málimetinshe, ózekti aqparatty Qazaqstan Respýblıkasynyń Ýkraınadaǵy elshiliginiń veb-saıtynan, áleýmettik jelilerinen jáne jedel messendjerlerinen baqylaýǵa bolady:
Facebook: https://www.facebook.com/KazEmbassyUkr/;
Instagram: @kazembukr;
Telegram: t.me/KZembassyinUKR;
Telegram-bot: @ConsulKZinUAbot
Elshiliktiń baılanys nómirleri: +38 (044) 483-15-96; +38 (067) 347-04-08 (jedel qońyraýlar úshin).
Búginde Ýkraına men Reseı arasy shıryǵyp tur. Batys pen Ýkraına Reseı kez kelgen ýaqytta resmı Kıevke basyp kirýi múmkin dep qaýiptenedi. Qazirgi ýaqytta Reseı Ýkraınamen shekarasyna 100 myńǵa jýyq ásker ornalastyrǵan. Alaıda resmı Máskeý Kıevke shabýyldamaıtynyn aıtady. Sarapshylar eki slaván memleketi arasyndaǵy shıelenisti ártúrli baǵalaıdy. Biri Reseı batys pen Ýkraınaǵa doq kórsetip otyr dese, biri shynaıy soǵys qaýpi bar degen pikirde. Mamandar Reseıdiń áreketin Kıevtiń Máskeý yqpalynan shyǵyp, batysqa jaqyndaýǵa tyrysýyna degen teris kózqaraspen baılanystyrady. Reseı áldeneshe ret NATO-ǵa Ýkraınany qabyldamaýǵa, Shyǵys Eýropadaǵy yqpalyn azaıtýǵa shaqyrǵan.
Pikir qaldyrý