Ilon Mask Tesla kompanıasynyń shamamen 6 mıllıard dollarlyq aksıasyn qaıyrymdylyqqa berdi. Bul – tarıhtaǵy eń iri qaıyrymdylyq kómekterdiń biri.

Baǵaly qaǵazdar jáne bırjalar komısıasynyń qujattaryna sáıkes, álemdegi eń baı adam 19 qarasha men 29 qarasha aralyǵynda Tesla kompanıasynyń 5 mıllıonnan astam aksıasyn qaıyrymdylyqqa arnaǵan.

Qaıyrymdylyqqa arnalǵan qarjy sol kúngi baǵaly qaǵazdar quny boıynsha shamamen 5,7 mıllıard dollardy qurady.

Qujattar qaıyrymdylyq uıymynyń ataýyn kórsetpedi jáne tranzaksıaǵa qatysqandar qupıa ustaldy.

Buǵan deıin Bernı Sanders pen Elızabet Ýorrenmen sıaqty AQSH saıasatkerleri Ilon Maskty synaǵan. Olar Amerıkadaǵy baılyq teńsizdigin kótirip, baılarǵa kóbirek salyq salý máselesin kótergen.

Sonymen qatar, BUU Dúnıejúzilik azyq-túlik baǵdarlamasynyń basshysy Twitter paraqshasynda Ilon Mask sıaqty mıllıarderler ǵalamdyq ashtyq máselesin sheshýge nazar aýdarýy kerek ekenin jarıalaǵan. Mask tvıt jarıalap, BUU 6 mıllıard dollar arqyly álemdegi ashtyq máselesin sheshýge kómektesetinin ashyq dáleldese, aksıalaryn satatynyn aıtqan.