Jaqynda Qazaq memlekettik qyzdar pedagogıkalyq ýnıversıtetinde QR Bilim jáne ǵylym mınıstri Aslan Sárinjipovtiń qatysýymen Arýlar ordasynda boı kótergen úsh birdeı nysan – 9 qabatty jataqhana, «Aqqý» atty júzý baseıni jáne «Aq shatyr» jazǵy oıyn-saýyq alańynyń resmı tusaýkeser rásimi ótti. Bul týraly "Qamshy" portaly Aıqyn-aqparatqa silteme jasaı otyryp habarlaıdy.

Úsh birdeı nysannyń lentasyn qıǵan QR Bilim jáne ǵylym mınıstri Aslan Bákenuly men QazMemQyzPÝ rektory Dınar Júsipáliqyzy, sondaı-aq syıly qonaqtar árbir ǵımarattyń ishki jab­dyqtalýymen tanysyp, rızashylyq­ta­ryn bildirdi. Stýdentterdiń dastarqa­nynan dám tatqan mınıstr shákirttermen tildesip, oqý-bilim jaıynda syr shertti.
«Aq shatyr» jazǵy alańynda quttyq­taý sóz sóılegen A.Bákenuly: «Qazirgi tańda Qazaqstanda jastar úshin barlyq jaǵdaı jasalyp otyr. Jyl saıyn mem­leket 150 myń oqý grantyn bóledi. Kelesi jyldan bastap grantpen oqıtyn stýdent­terdiń stıpendıasy 25 paıyzǵa ósedi. Teh­nıkalyq mamandyqty ıgerip, óndi­riste jumys isteımin degen jastar úshin ındýstrıa­landyrý baǵdarlamasy bo­ıynsha jańa jumys oryndary, ǵylymmen aınalysamyn degen shákirtter úshin zert­hanalyq oryndar ashylyp jatyr. Osy oqý ornynda oqıtyn stýdentter ustazdyq joldy tańdaǵan. Ózderińiz bilesizder, muǵalimniń róli óte mártebeli. Ýnıver­sıtetti bitirip, mektepke baratyn stýdent­terge jaqsy jańalyq bar. Elbasynyń sheshimimen kelesi jyldan bastap muǵa­limderdiń jalaqysy 30-50 paıyzǵa ósetin bolady. Sondyqtan jastar úshin barlyq jaǵdaı jasalyp otyr. Tek qana jaqsy oqyp, eńbek etýimiz kerek. Osyndaı kere­met ǵımarattar ashyla bersin. Qazaq­stanymyz órkendeı bersin!» – degen júrekjardy tilegin aıtty.
450 orynǵa arnalǵan jańa jataqhana Elbasynyń tapsyrmasyna oraı stýdent­terdi jataqhanamen qamtýǵa baǵyttalǵan «Stýdenttik baspana» memlekettik baǵdar­lamasynyń aıasynda salyndy. Zaman talaptaryna saı salynǵan jataqhana jańa jıhazdarmen tolyq jabdyqtalǵan, ınfra­qurylymdyq múmkindigi de joǵary. Birinshi qabatynda qyzdarǵa arnalǵan medısı­nalyq ortalyq ornalasqan. Sonymen qatar qyz­dardyń sán salony, jattyǵýǵa arnalǵan fıtnes zaly, kom­púter, demalys bólmeleri jumys isteı­di. Ár qa­batta kir jýatyn bólmeler, ke­rek-jaraq­tarmen jabdyqtalǵan asúıler bar. Za­ma­naýı telekomýnıkasıa­lyq jeli, Wi-Fi symsyz jelileri tartylǵan. Bir sózben aıt­qanda, jańa stýdentter úıinde boı­jetkenderdiń bos ýaqytty utymdy ótki­zýlerine barlyq jaǵdaı oılastyrylǵan. Qyzdar ýnıversıtetinde elimizdiń barlyq alys aımaqtarynan keletin stýdent-qyzdardyń kóp kelip oqıtynyn eskersek, bul memlekettiń ult tárbıeshilerine degen qamqorlyǵy ekeni anyq. 
Máselen, júzý baseıni jastardyń densaýlyǵyn jaqsartý maqsatyn kóz­deıtin «Salamatty Qazaqstan» baǵdar­lamasy aıasynda boı kóterdi. Sebebi elimiz úshin deni saý, rýhy taza urpaq ósirip tárbıeleý eń mańyzdy da negizgi másele. Elbasy N.Á.Nazarbaev «Qazaq­stan – 2050» strate­gıasy – qalyptasqan mem­lekettiń jańa saıası baǵyty» Jol­daýynda «Salaýatty ómir saltyn qa­lyptastyrý – ult densaý­lyǵynyń kilti bolyp tabylady. Biz ba­lalarymyzdyń densaýlyǵyn qamtama­syz etýge jańa tásilder engizý máselesimen jumys júr­gizýimiz qajet, jastar densaýly­ǵyna mán berýimiz kerek» degen bolatyn. Osy oraı­da, paıdalanýǵa beriletin júzý bas­seıni sportpen aınalysýǵa, deni saý urpaq qalyptastyrýǵa, jastardyń sa­laýatty ómir saltyn ustanýyna óz yqpalyn tıgizeri sózsiz.
Úshinshi nysan – «Aq shatyr» jazǵy oıyn-saýyq alańy. Bul elordada orna­lasqan «Han Shatyry» ispetti salynǵan. Keń de ásem ári ulttyq naqyshta turǵy­zylǵan alańnyń ishki sáýleti qazaq úı sıaqty áspettelip, tóbesindegi shańy­raqqa aınala ýyqtar qoıylǵan. 
Saltanatty rásimnen keıin Aslan Bákenuly, Abaı atyndaǵy Qazaq ulttyq pedagogıkalyq ýnıversıtetiniń rektory Serik Pirálıev pen Almaty qalalyq Jas­tar saıasaty máselesi jónindegi bas­qar­manyń basshysy mindetin atqarýshy Nurlan Sydyqov bastaǵan qonaqtar Qyz­dar ýnıversıteti ónerpazdarynyń salta­natty konsertin tamashalady.