Qazaqstandyq dúngen delegasıasy Inchýan qalasynda (QHR) qytaı-arab ekonomıkalyq yntymaqtastyǵy forýmyna qatysty. Bul týraly Qamshy portaly ınform.kz-ke silteme jasaı otyryp habarlaıdy.

Eske salsaq, Nınsá-Hýeı avtonomıalyq aýdanynyń Inchýan qalasynda 80-nen astam elden jáne Qytaı óńirlerinen 10 myńnan astam qonaqtar qatysqan qytaı-arab yntymaqtastyǵy forýmy ótti.

«Forým barysynda qazaqstandyq delegasıa birqatar sharttar jasasýǵa nıet tanytty. Buǵan Qazaqstan men Qytaı arasyndaǵy yntymaqtastyqtyń mańyzdy býyny sanalatyn Qazaqstan dúngen qaýymdastyǵy bastamashy boldy», - dep málimdedi «QazAqparat» HAA tilshisine qazaqstandyq delegasıa múshesi «Qazaqstandaǵy dúngender qaýymdastyǵy» etnomádenı birlestigi basqaratyn «Jańa jibek joly» halyqaralyq akademıasy» QQ prezıdenti Hýseı Daýrov.

Onyń aıtýynsha, Qazaqstannan kelgen delegasıa Nınsá forýmynda Mańǵystaý oblysyndaǵy «Inovasıalyq óndiristik park» qurylysy týraly, sondaı-aq Almaty oblysyndaǵy aýyl sharýashylyǵy salasyndaǵy yntymaqtastyq týraly kelisimderge qol qoıdy.

«Nınsá Saýda jáne ónerkásip departamentimen kezdesýde qant zaýytyn salý boıynsha Almaty oblysymen yntymaqtastyq máseleleri, aýyl sharýashylyǵy ónimderiniń  óndirisi men olardy qaıta óńdeýdiń ozyq tehnologıalaryna ınvestısıa quıý múmkindigi talqylandy. Bizdiń óńirlerdiń  yntymaqtastyq jobalaryn alǵa jyljytatyn iskerlik keńes qurý usynyldy», - dedi suhbat berýshi.

Forým aıaqtalǵanda Nınsá-Hýeı avtonomıalyq aýdanynyń vıse-gýbernatory azamat Van Hesan túski as berdi, sonyń barysynda ol Nınsá úkimetiniń atynan Qazaqstan dúngen qaýymdastyǵyn QHR men QR arasyndaǵy ekijaqty qatynastardy damytýǵa qosyp jatqan orasan úlesi úshin alǵys bildirdi. «2014 jyly Nınsá delegasıasy Qazaqstanǵa barǵan, sol kezde Qazaqstan dúngen qaýymdastyǵy qytaı ókilderimen jyly kezdeý ótkizgen», - dep atap ótti H. Daýrov.

Ortalyq Azıada 130 myńdaı dúngen bar, olardyń basym bóligi Qazaqstanda, Qyrǵyzstan, Ózbekstanda turady. Qazaqstan aýmaǵynda 50-60 myń dúngen bar, olardyń babalary qytaıdyń Shensı, Gansý jáne Nınsá  aýmaqtarynyń týmalary, olar onda 138 jyl buryn osy provınsıalarda   antısındik kóterilistiń qysymynan qashyp barǵan bolatyn. Jambyl oblysynda 35 myńnan astam dúngen turady.

«Búginde Nınsá - Qytaıdyń bes ulttyq avtonomıalyq aýdandarynyń biri, onda 2,5 mln-nan astam dúngen (hýeıszý) turady. Munda sońǵy jyldary balamaly energetıka, aýyl sharýashylyǵy, ónerkásip damý ústinde. QHR Úkimeti jergilikti turǵyndar úshin eleýli jeńildikter men artyqshylyqtar bere otyryp, ulttyq avtonomıanyń úılesimdi damýy men gúldenýine basa mán beredi», - dedi ol.

2014 jyly qytaı-arab yntymaqtastyǵy forýmynyń qurylǵanyna 10 jyl toldy, ony qurýǵa negiz bolǵan 22 eldi biriktiretin Qytaıdyń Arab memleketteri lıgasy (AML ) elderimen qatynasy bolatyn. AML halqynyń jalpy sany 300 mln adamdy quraıdy, jalpy alańy - 13,6 mln. sharshy metr.