"Pedagog mártebesi týraly" zańda pedagogtardyń quqyqtary, áleýmettik kepildikter, shekteýler, mindetter, sondaı-aq jaýapkershiligi belgilengen. Aǵymdaǵy jyldyń sáýir aıynda osy normalardy iske asyrý úshin QR Bilim jáne ǵylym mınıstriniń "Pedagogterdiń quqyqtaryn buzýǵa jol bermeý týraly" № 172 buıryǵy qabyldandy, soǵan sáıkes bilim berýdi basqarý organdaryna (ıaǵnı, basqarmaǵa jáne bilim berý bólimderine) jáne bilim berý uıymdaryna pedagogterdi laýazymdyq nusqaýlyqtarda kózdelmegen jumys túrlerine tartýǵa qatań tıym salynǵan.

 

"Mysaly, qoý jyly aıaqtalyp, mektepterde jóndeý kezeńi jaqyndap keledi, onyń barysynda pedagogterdi jóndeý jumystaryna jıi tartady. Pedagogter júrgizýge mindetti qujattar tizbesinde kózdelmegen eseptilikti talap etýge, pedagogterdiń laýazymdyq nusqaýlyqtarda kózdelmegen 130 buıryqqa sáıkes elektrondyq qujattardy basyp shyǵarýǵa jol berilmeıdi. Sondaı-aq ákimdik tarapynan baspa basylymdaryna jazylý qajettigi týraly "tapsyrmalar" aýdandyq (qalalyq) bilim bóliminiń meńgerýshilerine, dırektorlarǵa, meńgerýshilerge túspeýge tıis"  dep atap ótti Zeınep Mahsýtova.

 

Normatıvtik quqyqtyq aktilerdiń talaptaryn buzý faktileri anyqtalǵan jaǵdaıda, "Pedagog mártebesi týraly" Zańda jáne "Ákimshilik quqyq buzýshylyq týraly" Kodekste tıisti tártiptik yqpal etý sharalary kózdelinbek. Eger artyq eseptilikke, gazetter men jýrnaldarǵa májbúrlep jazylýǵa, kásibı mindetterge kirmeıtin jumys túrlerine tartý, laýazymdyq mindettermen baılanysty emes eseptilikti nemese aqparatty talap etý faktileri boıynsha pedagogtar SHQO Bilim salasyndaǵy sapany qamtamasyz etý departamentine júgine alady.

 

Sondaı-aq baspasóz konferensıasynda 2021 jyldan bastap bilim berý uıymdaryn memlekettik atestattaý rásimi qaıta jandanǵany jaılyda sóz boldy. Memlekettik atestattaý-bilim berý uıymdary kórsetetin bilim berý qyzmetteriniń bilim berýdiń tıisti deńgeıiniń MJMBS talaptaryna sáıkestigin baqylaý maqsatynda júzege asyrylatyn rásim. Memlekettik atestattaý 5 jylda bir ret ótkiziledi. Bul atestattaýdyń ereksheligi bilim berý uıymynda barmaı-aq profılaktıkalyq baqylaý júrgizý bolyp tabylady.

 

2021 jyldyń qarasha aıynan bastap 50 bilim berý uıymdarynda memlekettik atestattaý ótkizildi. Memlekettik atestattaý qorytyndysy boıynsha 50 bilim berý uıymynan-12 (24%) - atestattalǵan, 38 (76%) - atestattalmaǵan. Atestattalmaǵan 38 bilim berý uıymynyń 11-inde qaıta atestattaý ótkizildi, onyń qorytyndysy boıynsha 2 mektep, 2 balabaqsha qaıta atestattalmady. Barlyq bilim berý uıymdaryna eskertýlerdi joıý boıynsha usynymdar joldanypty. Jáne SHQO Bilim salasyndaǵy sapany qamtamasyz etý departamentine muǵalimderden memlekettik atestattaýdy oń ótkizý úshin aqsha jınaý týraly shaǵymdar kelip túsken eken. Bilim berý uıymdary úshin memlekettik atestattaý tegin ótkiziledi. Al aqsha qarajatyn jınaıtyn bilim berý uıymdaryna sharalar qabyldanatyn bolady.

 

Bilim berý uıymynyń bir bastamashyl basshysyna sharalar qabyldanǵanyn Zeınep Mahsýtova  brıfıńte aıtyp ótti. Sondaı-aq sońǵy qońyraý merekesi respýblıkanyń barlyq mektepterinde 25 mamyrda, atestatty saltanatty tapsyrý-16-17 maýsymda ótedi.

 

"Atestatty saltanatty túrde tapsyrý mektep qabyrǵasynda ǵana ótýi kerek. Jáne anımatorlarǵa, ártisterge qarjy jınaýǵa, meıramhanalardy jalǵa alýǵa jáne basqa da shyǵyndarǵa tyıym salynady. Sonymen qatar QR prezıdenti Qasym-jomart Toqaevtyń jarlyǵymen 5 maýsym kúni elimizdiń konstıtýtsıasyna ózgeris engizý boıynsha respýblıkalyq referendým ótetini barshamyzǵa málim. Referendýmnyń jumystaryna muǵalimderdi tartýǵa tıym salynady. Eger ustaz óz erkimen naýqanǵa qatysamyn dese ruqsat etiledi. Nemese atqarlǵan jumysyna qaraı tıisinshe aqy tólenýi kerek" dedi Zeınep Mahsýtova.