Dostyq úıiniń 30 jyldyǵyn merekeleý aıasynda Óskemen qalasynda VIİİ oblystyq dástúrli «Stýdenttik kóktem-2022» festıvali ótti. Sońǵy eki jylda koronavırýs indetine baılanysty onlaın formatqa kóshken edi. Bıyl baıqaý jastarǵa qaıtadan aıqara esik ashty.
Bilimdi de ónerli stýdentter úlken sahnada júzbe-júz qaýyshty. Shara shyǵarmashylyq, «Jastar tańdaýy» jáne kásiptik baǵdar berý atty 3 baǵytta ótti. 4 ýnıversıtet pen 6 kolej stýdenti bas qosty.
Festıválge qatysýshylar elimizdegi ultaralyq kelisimdi ulyqtap, bereke-birlikti tý etip kórsetti.
«Óńirde jastar saıasatyn nasıhattaýda «Stýdenttik kóktem» festıvali erekshe rol atqarady. Dostyq úıiniń 30 jyldyǵyn merekeleý aıasynda, shara ultaralyq birlik taqyrybyna arnalǵan. Eń basty Qazaqstannyń qundylyǵy bul árıne bizdiń turaqtylyǵymyz árıne bizdiń ultaralyq kelisimimiz sondyqtan osy ıdeologıany nasıhattaý úshin osyndaı úlken formatta ótkizip otyrmyz» dedi SHQO ishki saıasat basqarmasynyń basshysy Jasulan Sársebaev.
«Stýdenttik kóktem-2022» festıvaliniń basty maqsaty stýdentterdiń qoǵamdaǵy belsendiligin jáne mádenı-shyǵarmashylyq áleýetin arttyrý, oryndaýshylyq sheberligin shyńdaý, daryndy stýdentterdi qoldaý, oblystaǵy oqý oryndardyń kásibı baǵdar berý boıynsha jumystaryn jandandyrý.
Festıvál qorytyndysy boıynsha bes nomınasıa boıynsha jeńimpazdar anyqtaldy. Rymbek Baıseıitov atyndaǵy Semeı qarjy-ekonomıkalyq koleji «úzdik kásibı alań» nomınasıasy boıynsha, JOO arasyndaǵy «Úzdik shyǵarmashylyq baǵdarlama» Dáýlet Serikbaev atyndaǵy SHQMTÝ jeńimpaz atandy. Semeı qalasyndaǵy Álıhan Bókeıhan ýnıversıteti «joǵary oqý oryndary arasyndaǵy úzdik kásibı alań» dep tanyldy. «Jastar tańdaýy» nomınasıasyn Sársen Amanjolov atyndaǵy Shyǵys Qazaqstan ýnıversıteti jeńip aldy.
Sonymen qatar munda bolashaq mektep jáne kolej túlekterine kásiptik baǵdar berildi Oqý oryndary mamandyq túrlerimen tanystyrdy. Óskemenniń myńnan astam joǵary synyp oqýshylary qatysty.
«Bolashaqta men jýrnalıs bolǵym keledi. Ózim úshin JOO tańdap qoıdym. Uıymdastyrýshylarǵa árbir oqý ornymen tanysýǵa múmkindik bergeni úshin rahmet» dedi bolashaq talapker Iýlıa Solomatına.
Búginde SHQO-da jastardyń 25 paıyzyn stýdentter quraıdy. Óńirdiń 8 joǵary oqý orny men 86 kolejinde 66 548 stýdent bilim alýda. «Bilikti maman» jobasy boıynsha, sońǵy eki jylda, óńirde tapshy mamandar daıyndaýǵa oblys ákiminiń arnaıy granttary bólinip keledi. Osy kúni 646 jas grant ıegeri atanyp otyr. Jumystyń oń nátıje búginniń ózinde kórinis tabýda. Sońǵy eki jylda mektep túlekteriniń bilim alý úshin shetelge ketýi úsh esege azaıdy.
