Parlament Qazaqstan Prezıdenti Qasym-Jomart Toqaevtyń Ortalyq Azıa, Kongo, Malı jáne Lıvandaǵy BUU mısıalaryna qatysý úshin Qazaqstan Qarýly Kúshteriniń bitimgershilik kontıngentin jiberý týraly usynysyn maquldady, dep habarlady Tengrinews.kz. saıty.

"Konstıtýsıanyń 53-baby 5-tarmaǵyna sáıkes BUU-nyń Ortalyq Afrıka Respýblıkasyndaǵy turaqtandyrý jónindegi kópbeıindi keshendi mısıasyna, BUU-nyń Kongo Demokratıalyq Respýblıkasyndaǵy turaqtandyrý jónindegi mısıasyna, BUU-nyń Malıdegi turaqtandyrý jónindegi kópbeıindi keshendi mısıasyna, BUU-nyń Lıvandaǵy ýaqytsha kúshteriniń mısıasyna qatysý úshin shamamen 430 áskerı qyzmetshini Qarýly Kúshterdiń bitimgershilik kontıngentin jiberý týraly usynys engizemin" - dedi Jaqsylyqov Parlament palatalarynyń birlesken otyrysynda.

Qorǵanys mınıstrliginiń basshysy Qazaqstannyń shtabtyq ofıserler jáne áskerı baqylaýshylar retinde jekelegen áskerı qyzmetshilerdi, sondaı-aq BUU mısıalaryna barynsha suranysqa ıe jaıaý ásker, medısınalyq, barlaý, ınjenerlik áskerı polısıa bólimshelerin bólýge daıyn ekenin atap ótti.

"Baǵalaý jáne irikteý birneshe kezeńnen turady. Biz Qazaqstannan BUU-ǵa bes bólimsheni usyndyq. Olardyń barlyǵy daıyndyqtyń ártúrli deńgeılerinde. Biz bólimshelerimizdi birden emes, ótinim boıynsha jiberemiz. Bizge mısıany oryndaýǵa daıyndyq boıynsha baǵa beriledi" dedi Rýslan Jaqsylyqov.