30 maýsymda «Vostok» stadıonynda «SD Family» FK-men alǵashqy oıynyn ótkizedi.

Shyǵys Qazaqstannyń oblys ortalyǵy úshin bul shyn máninde tarıhı oqıǵa. Kelesi jyly klýb 60 jasqa tolady, bul az emes. «Shyǵys» (qazirgi «Altaı») KSRO birinshiligine "B" tobynda qatysý úshin «Torpedo» jáne «Metalýrg» komandalarynyń birigýi nátıjesinde paıda boldy. Ol óziniń sol kezdegi ataýyn jan-jaqty buqaralyq tanymaldylyǵyna baılanysty aldy. Keńes Odaǵynda «Shyǵys» dep zymyrandar men ǵarysh kemesi, tanymal toptar men komandalar ıelendi.

Óz tarıhynda «Altaı» birneshe ret túrli chempıonattar men kýboktardyń júldegeri boldy, árıne, túrli jaǵdaılarda jeńilister de oryn aldy. Biraq búginde Shyǵys Qazaqstan oblysynda fýtboldy damytýǵa úlken kóńil bólinýde. Sondyqtan klýbtyń týǵan otanyna oralýy - bul jaı ǵana kóshý emes, bul «Altaı» komandasynyń tarıhyndaǵy jańa kezeń bolmaq. Eń úlken jeńister men úlken jetistikter áli alda dep senimmen aıtýǵa bolady. Óıtkeni, qazir tájirıbeli jáne kásibı jattyqtyrýshylardyń jetekshiligimen Óskemende daryndy balalar tegin jattyǵady, olardyń arasynda álemge tanymal fýtbolshylar da ósip keletinine kámil senimdimiz. Oblys ákimi Danıal Ahmetov buqaralyq sportty, atap aıtqanda fýtboldy damyýǵa zor kóńil bólýde. Onyń arqasynda fýtbol olımpinde mindetti túrde jańa shyǵysqazaqstandyq esimder jaǵylady.

30 maýsymda saǵat 16.00-de «Vostok» stadıonynda Shyǵys Qazaqstannyń «Altaı» fýtbol klýbyna jankúıer bolyp, jarqyn oıynnyń kýási bolyńyzdar. Jankúıerlerdiń kúsh-jigeriniń arqasynda keıde úlken jeńister oryn alady. Stadıonǵa kele almaǵandar úshin translásıa Qazaqstannyń kásibı fýtbol lıgasynyń resmı YouTube-arnasynda tikeleı efırde júrgiziledi.

SHQO Aqparat ortalyǵy