Ýkraına prezıdenti Vladımır Zelenskıı eldegi Qaýipsizdik qyzmeti basshysy men bas prokýrordy vedomstvolardaǵy memlekettik opasyzdyq derekteri jıilep ketýine baılanysty qyzmetinen qýdy, dep jazady VVS.
Zelenskııdiń sózinshe, burynǵy 60-tan astam qyzmetker Reseı basyp alǵan jerlerde Ýkraınaǵa qarsy jumys istep jatyr. Qazirgi ýaqytta aýyzjalasty, memleketke opasyzdyq jasady degen kúdikpen quqyqqorǵaý organy qyzmetkerleriniń ústinen 651 is qozǵalǵan.
Qyzmetten qýylǵan sheneýnikter Ivan Bakanov pen Irına Venedıktova jaǵdaı jaıly ázirge jaq ashqan joq.
"Reseı Federasıasy múddesi úshin áreket etken qylmystyq top quramyna kirgenderdiń bári jaýapkershilikke tartylady. Olar jaýǵa qupıa aqparat berip, reseılik arnaıy qyzmetpen ózge de áriptestikke barǵan" deıdi Zelenskıı.
Sondaı-aq bazasy Herson qalasynda ornalasqan barlaý qyzmetiniń joǵary laýazymdy sheneýnikteri de kúdikke ilingeni belgili boldy.
Pikir qaldyrý