Ulybrıtanıada sońǵy 12 aptada balyq satylymy 12 paıyzǵa, sıyr eti 14 paıyzǵa, qoı etiniń satylymy 24 paıyzǵa tómendegen, dep jazady Daily Mail. basylymy.

Et baǵasy qaltany qaǵatyndyqtan turǵyndar taýyq etin satyp alatyn bolǵan. 

"Aqýyz bar taǵamnyń bári qymbattap jatyr. Bárinen qymbaty – balyq eti, izinshe qoı eti qymbattaı túsken. Qymbattaǵanyna qaramastan, taýyq eń qoljetimdi et bolyp tur. Azyq-túlik tańdaǵanda qymbatshylyqty basqarý tásili sheshýshi faktorǵa aınalǵan" deıdi sarapshy Glesnı Fıllıps.

Sáýirge qaraı súıegi bar sıyr eti kelisine 11,34 fýntke (6300 teńgege jýyq) deıin qymbattaǵan. Al taýyq eti 3 fýnttan (1600 teńge) satylyp jatyr.

Basylym brıtanıalyq vegandar ortashaesepti turǵynǵa qaraǵanda azyq-túlikke edáýir kóp jaratatyndyqtan, balama dıetaǵa ótý otbasylyq búdjetti únemdemeıtinin jazady.