Almaty qalasynyń Dostyq úıinde májilis depýtaty Zákirjan Pirmuhameduly Kúzıev pen Almaty qalasy QHA shyǵarmashylyq ujymdarynyń jetekshileriniń qatysýymen otyrys ótti. Bul týraly Almaty qalasy "Qoǵamdyq kelisim" mekemesiniń baspasóz qyzmeti habarlady.
Qazaqstan halqy Assambleıasynyń shyǵarmashylyq ujymdary elimizdegi ultaralyq kelisimdi damytý men nyǵaıtýda mańyzdy ról atqarady. Qazaqstan halqy Assambleıasy ótkizetin barlyq shyǵarmashylyq is-sharalarǵa belsendi qatysady.
İs-shara barysynda Depýtat aldaǵy respýblıkalyq referendým týraly, QR Konstıtýsıasyna engizilgen barlyq ózgerister men tolyqtyrýlar týraly egjeı-tegjeıli túsindirdi.
Zakırjan Pirmuhameduly Kýzıev óz sózinde Konstıtýsıanyń jańarýy irgeli sıpatqa ıe jáne eldiń saıası júıesin túbegeıli ózgertetinin atap ótti.
– Osy sheshimderdi qabyldaý prosesine halyqtyń qatysýy mańyzdy másele . Memleket basshysy óz sózinde referendým «el taǵdyryn sheshýge tikeleı qatysýǵa» jáne «jan-jaqty demokratıalandyrý men jańa Qazaqstandy qurý baǵytyn nyǵaıtýǵa» múmkindik beretinin atap ótti. Referendýmnyń jarıalanýy «halyq únine qulaq asatyn memleket» tujyrymdamasynyń jarqyn kórinisi. Referendým jáne Konstıtýsıany ózgertý arqyly jańa qoǵamdyq kelisim jasalady dep aıta alamyz. Ádilettilik qaǵıdaty negizinde ózara qarym-qatynastyń jańa sıpaty qalyptasady, óıtkeni jańa Qazaqstan, Prezıdent aıtqandaı, Ádiletti Qazaqstan, – dedi depýtat.
Sońynda ol shyǵarmashylyq ujymdardyń basshylaryn Qazaqstan halqy Assambleıasynyń jumysynda belsendilik tanytqany úshin alǵys hattarmen marapattady.
Pikir qaldyrý