Almaty qalasynyń Dostyq úıinde depýtattar Z.P. Kýzıev pen A. M. Hamıdov Almaty qalasy Qazaqstan halqy Assambleıasynyń jýrnalıser klýbynyń ókilderimen kezdesti.
QHA janyndaǵy etnosaralyq qatynastar máseleleri jónindegi jýrnalıser men sarapshylar klýby Memleket basshysynyń Qazaqstan halqy Assambleıasynyń XV sesıasynda bergen tapsyrmasy boıynsha qurylǵan. Klýb-toleranttylyqty nyǵaıtýda, etnosaralyq, Qoǵamdyq kelisim men azamattyq birlikti saqtaýda BAQ-tyń kúsh-jigerin shoǵyrlandyrýǵa yqpal etetin turaqty jumys isteıtin konsýltatıvtik-saraptamalyq alań.
Klýb tózimdilikti nyǵaıtýǵa, memlekettegi etnosaralyq kelisimdi, azamattyq birlikti, patrıotızmdi jáne rýhanı-mádenı qoǵamdastyqty saqtaýǵa yqpal etýge; jýrnalısik etıka qaǵıdattaryn saqtaýǵa, damytýǵa jáne engizýge, sondaı-aq etnosaralyq taqyrypty jarıa etý máselelerinde jýrnalısik qoǵamdastyqta jaýapkershilikti qalyptastyrýǵa arnalǵan.
Klýb memlekettik ulttyq saıasatty jetildirý, etnosaralyq kelisim men qoǵamdaǵy turaqtylyqty nyǵaıtý boıynsha usynystar daıyndaıdy; baq úshin etnosaralyq sıpattaǵy taqyryptardy durys jarıalaý boıynsha usynymdar ázirleıdi.
İs-shara barysynda depýtattar jýrnalıserdiń suraqtaryna jaýap berip, aldaǵy respýblıkalyq referendýmdy egjeı-tegjeıli talqylady. Jýrnalıser klýbynyń ókilderi etnıkalyq BAQ qyzmetine qatysty ózekti máselelerdi kóterdi. "Uıǵyr avazı" gazetiniń bas redaktory Ershat Asmatov búgingi kúni aqparattyq alańda jumysqa týra kedergi keltiretin "jalǵan" aqparattyń úlken sany bar ekenin atap ótti, óıtkeni bul qoǵamdaǵy ultaralyq alaýyzdyqtyń órshýine jıi sebep bolady.
«Biz ıdeologıa men halyqaralyq beıbitshilikti nasıhattaıtyn jalǵyz basylymbyz. Sondyqtan etnojýrnalısterdiń qoǵamda óz róli bar», - deıdi Deutscht Allgemeine Zeitung Respýblıkalyq nemis basylymynyń bas redaktory Olesá Klımenko.
Depýtattar Májilistiń aldaǵy jumys toptarynda jýrnalıserdiń usynystaryn qaraýǵa ýáde berdi.
