Qazaqstanda 300 323 pasıent psıhıkalyq problema boıynsha dınamıkalyq baqylaýda. 2021 jyly psıhıkalyq aýytqýlary bar 9 918 pasıent jáne psıhıkalyq aýytqý rıski bar 13 361 pasıent esepke alynǵan. bul týraly densaýlyq saqtaý mınıstrliginiń  Dúnıejúzilik psıhıkalyq densaýlyq kúnine oraı jarıalaǵan aqparatynda aıtylady.

Mınıstrlik mamandary stıgma men kemsitý psıhıkalyq aýytqýlary bar adamdardyń qoǵamǵa tolyq qatysýyna kedergi keltiretin kórinbeıtin qabyrǵalar sıaqty ekenin aıtady. Múndaı qabyrǵalar mektepte, jumys ornynda, memlekettik, densaýlyq saqtaý mekemelerinde jáne tipti úıde de bar.

"Psıhıkalyq aýrýlardy kemsitý men stıgmatızasıalaýdy toqtatý barlyq mekemelerdiń, ásirese psıhıkalyq aýytqýlary bar týystarymen birge turatyn adamdardyń qatysýyn talap etedi. Stıgma men kemsitýdi jeńýdiń eń tıimdi sharasy – psıhıkalyq densaýlyq týraly aqparatty arttyrý jáne psıhıkalyq densaýlyq týraly bilimdi arttyratyn zamanaýı baǵdarlamalardy engizý" delingen mınıstrlik habarlamasynda.

Búginde psıhıkalyq densaýlyq salasynda mamandandyrylǵan kómekti 2 respýblıkalyq, 17 óńirlik psıhıkalyq densaýlyq ortalyǵy (oblys ortalyqtarynda jáne respýblıkalyq mańyzy bar qalalarda bir-birden), 83 bastapqy psıhıkalyq densaýlyq ortalyǵy (qalalyq emhanalar janynda), 192 kabınet (aýdandyq emhanalar janynda) kórsetedi"