Ulty orys azamattar QR-dan qaıda ketedi jáne qaıdan kóbirek keledi? Elde orys ultynyń qansha ókili turady? Osy jáne ózge de suraqtarǵa Finprom.kz portaly jaýap izdep kórgen.

Portal málimetinshe, jyl basynda elde 3,4 mln orys turǵan. Bul – bir jyl burynǵydan 1,4 paıyzǵa az.

Óńirler boıynsha orys halqynyń eń kóp sany Shyǵys Qazaqstan oblysynda tirkelgen. Ol jerde 469,7 myń orys ultynyń ókili turady. Bul – byltyrǵydan 2% az. Ekinshi jáne úshinshi orynda Qaraǵandy oblysy (469,2 myń adam) men Almaty qalasynda (458,9 myń adam) jaıǵasqan.

Orys eń az óńir Qyzylorda oblysy: 14,1 myń adam – bir jyl burynǵydan 1,8% az.

Birinshi jartyjyldyqtyń qorytyndysy boıynsha Qazaqstanǵa 1,3 myń orys kelgen – bir jyl burynǵydan 5% artyq.

Kelgenderdiń basym bóligi Almatyǵa qonystandy: 339 adam. Odan keıin Soltústik Qazaqstan (152 adam) jáne Qostanaı (143 adam) oblystary tur. Orystar eń az kelgen óńir Qyzylorda oblysy: nebári 3 adam.

Sonymen birge elden ketken orystar sany bir jylda 15%-ǵa azaıyp, 8,1 myń adamdy quraǵan. Kópshiligi Shyǵys Qazaqstan (1,2 myń adam), Qaraǵandy (1 myń adam) jáne Pavlodar (989 adam) oblystarynan ketken.

Birinshi jartyjyldyqtyń qorytyndysy boıynsha QR-ǵa kelgen orys ulty azamattarynyń basym bóligi Reseıden keldi: olar kelgen orys ultty azamattardyń 83,3%-y nemese 1,1 myń adam. Odan keıin Ózbekstan, Qyrǵyzstan, Germanıa, Belarýs jáne Ýkraınadan keldi.

Ketken orystardyń basym bóligi de negizinen RF-ny tańdaǵan: 91,7%-y nemese 7,4 myń, alaıda kórsetkish byltyrǵydan 15,4%-ǵa azaıdy. Orystar ketken basqa elderqatarynda Germanıa, Belarýs, AQSH, Polsha jáne Kanada.

Sońy on jyldaǵy derekter Qazaqstannan Reseıge ketip jatqan orystar sany kemip jatqanyn kórsetedi. Orystar Reseıge bes jyl burynǵy osy kezeńmen salystyrǵanda 23,9%, on jyl burynǵydan 11,7 paıyzǵa az ketedi.