Bárine belgili biraq eńbekteri kózge kórinbeıtin qyzmet ıeleriniń biri – qoqys jınaýshylar. Tańnyń atysy men kúnniń batysy qalanyń tazalyǵy úshin ter tógetin qarapaıym jumys ókilderiniń júgi aýyr, mańyzy zor mańdaı terin kóbisi baǵalaı bermeıdi. Olardyń densaýlyqqa ásersiz ótpeıtin aýyr eńbekteri tıisinshe ótele me eken? Jalpy, kúnkóris jaǵdaıy qandaı? Osy suraqtarǵa jaýap alý úshin Qamshy redaksıasynyń jýrnalıseri tikeleı qoqys polıgonyna bardy. Arnaıy reportaj barysynda qoqys jınaýshylardyń jumysymen jaqynyraq tanysyp, keıipkerlerdiń ózderimen tildesýdi jón kórdik.

Polıgonǵa birden kire almaǵanymyzdy aıtaıyq, jergilikti kúzet kelgenimizdi unata qoıǵan joq. Túsirilim tobyn eki kún sandaltty. Ekinshi kúni qylmyskerdeı quryqtaýǵa tyrysyp, túsirilim sońy janjalǵa ulasty.