17 sáýirde burynǵy mádenıet jáne sport mınıstri Arystanbek Muhamedıulynyń ústinen qozǵalǵan qylmystyq is boıynsha aldyn ala sot tyńdaýy bastaldy. 

Alaıda Arystanbek Muhamedıuly Astanadaǵy aýa raıynyń qolaısyzdyǵyna baılanysty sot zalyna ákelinbeı, sot prosesine onlaın qatysty. Eks–mınıstrdiń advokaty sot otyrysyn tústen keıin nemese erteńge aýystyryp, bárin oflaın qatystyrýdy, Muhamedıulyn úıqamaqqa aýystyrýdy surady. Alaıda sot advokadtyń ótinishinen bas tartty.

Eske sala keteıik, Arystanbek Muhamedıuly 2022 jyly mamyr aıynda qamaýǵa alynǵan. Jemqorlyqpen kúres qyzmeti ony bastapqyda "búdjettiń 146 mıllıon teńge qarjysyn jymqyrýǵa qatysty" dep aıyptap, toǵyz aıdan keıin ol soma 221 mıllıon 411 myń teńgege jetken.

Burynǵy mınıstr qamalǵany týraly aqparat shyqqan soń, áleýmettik jelide prezıdentke úndeý jarıalanǵan. Úndeýde burynǵy sheneýnik taǵylǵan aıypty joqqa shyǵaryp, ony "ózine qaqpan quryp júrgen keıbir adamdardyń isi" dep baǵalaǵan. Advokat búgin bul jóninde de aıtyp, "kek alýshy" dep ártis Tuńǵyshbaı Jamanqulovty atady. 

Sonymen qatar, Arystanbek Muhamedıuly 2022 jyly ustalǵan ýaqytta ózine qol jumsamaq bolǵany da aıtylǵan edi.