31 tamyzda Aqtóbe soty Qańtar oqıǵasynan soń zańsyz qýdalanǵan Aslanbek Omarovqa 3,5 mln tg óndirip berý týraly sheshim shyǵaryp, sot onyń talap-aryzyn ishinara qanaǵattandyrdy.

Omarov sot sheshimine qanaǵattanbasa da, apelásıa alqasyna júginbeıtinin  aıtty. Buǵan deıin Aslanbek Omarov memleketten 40 mln teńge talap etken edi. Bul týraly Azattyq radıosy jazdy.  

"Zańsyz qýdalanǵanym ózime de, otbasyma da kóp zıanyn tıgizdi. Áıelim ol kezde júkti edi. Óte aýyr bosandy. Meniń de densaýlyǵym nasharlap ketti. Túrmedegi bir kúnimdi jaýyma da tilemes edim. Men qamalǵan soń júkti áıelim men eki jasar qyzym asyraýshysyz qaldy" – dedi ol.

Eske sala keteıik, Aslanbek Omarov 2022 jyly 9 qańtar kúni ustalyp, tórt aı tergeý ızolátorynda otyrǵan bolatyn. Keıinnen ol bes aı úıqamaqqa aýystyrylyp, taǵy bes aı eshqaıda shyqpaý týraly qolhatpen júrgen bolatyn.