Mınıstrdiń aıtýynsha, qazirgi kezde taǵy bir shekteý talqylanyp jatyr. Oǵan sáıkes, úsh aıda bir adamǵa jiberilgen mobıldi aýdarymdardyń jalpy somasy 255 myń teńgeden aspaýy qajet.
Búginde úsh aıdyń ishinde bir nómirge ártúrli adamdardan túsetin aýdarymdardyń sany 100-den aspaýy tıis. Odan kóp bolyp ketse, baqylaý sharalary bastalady. Jyldyń basynda barlyǵy dúrligip ketti, qolma-qol aqsha izdeı bastady. Degenmen jeke kásipker retinde tirkelgenderdiń sany aıtarlyqtaı ósti.
"Qazirgi kezde jaǵdaı tynyshtaldy, qolma-qol aqshanyń kólemi azaıyp keledi. Adamdar qaıtadan mobıldi aýdarymdarǵa kóship jatyr. Qańtar aıynda shamamen 75 myń jeke kásipker tirkeldi. Buryn bir aıda 2-3 myń adam tirkeletin. Al aqpan aıynda 70 myń jeke kásipker tirkeldi. Demek adamdar kásibin zańdastyryp jatyr", - dedi Tákıev úkimettiń búgingi otyrysynda.
Pikir qaldyrý