Astanada "Adal azamat – Adal eńbek – Adal tabys" taqyrybynda dóńgelek ústel ótti, dep habarlaıdy Qamshy.kz aqparat agenttigi. 

Astanada Belsendi uzaq ómir súrý ortalyǵy "Adal azamat – Adal eńbek – Adal tabys" taqyrybynda dóńgelek ústel ótkizdi, dep habarlaıdy elorda ákimdiginiń resmı saıty.

Atalǵan is-shara Memleket Basshysy Qasym-Jomart Toqaevtyń Ulttyq Quryltaıdyń III otyrysynda bergen tapsyrmalaryn iske asyrý maqsatynda uıymdastyryldy.

Dóńgelek ústel jumysyna qoǵam qaıratkerleri, máslıhat depýtattary, Astana qalasynyń qurmetti ardagerleri men zıaly qaýym ókilderi, óz eńbegimen erekshelengen joǵary bilikti mamandar qatysty.

Jınalǵandar quryltaı tujyrymdamasyna sáıkes urpaqtar sabaqtastyǵy taqyrybyn talqylady jáne tek adal eńbek qana tabysqa jeteleıdi degen pikirmen bólisti.

Kesh qonaǵy retinde shaqyrylǵan batyrlyq tanytqan polısıa qyzmetkeri Arman Sársembaev "Erligi úshin" medalimen marapattaldy.

Sonymen qatar, dóńgelek ústel jumysyna qatysqan jas maman, "My Mind" Medısınalyq tehnologıalar salasyndaǵy startaptardy ázirleýshi Iý.Týmgoev jastardyń ǵylymdaǵy eńbegi jáne aǵa býyn ókilderiniń jas mamandardy jumysqa tartýǵa áseri týraly pikir bildirdi.

Ulttyq Quryltaı múshesi Zýlfýhar Ǵaıypov pen máslıhat depýtaty Qanat Estek dóńgelek ústel jumysynyń mańyzdylyǵyn erekshe atap ótip, uıymdastyrýshylarǵa alǵystaryn bildirdi.

"Adal azamat – Adal eńbek – Adal tabys" dóńgelek ústelinde ortalyqtyń qyzmeti týraly blıs-saýalnama men beıne kórsetildi.