Qajylyq jasaýǵa jáne zańsyz ruqsat alýǵa tyıym salý saıasaty Mekke qalasyn, ortalyq aımaqty, qasıetti jerlerdi, Haramaın temirjol stansıasyn, baqylaý-ótkizý pýnktterin, tekserý ortalyqtaryn jáne ýaqytsha baqylaý beketterin qamtıdy. Bul ereje 2024 jyldyń 20 maýsymyna deıin kúshinde bolady.

"Qajylyq erejelerin buzǵan kez kelgen adamǵa – azamattar, turǵyndar nemese kelýshilerge – 10 000 saýdıalyq rıal, ıaǵnı 2666 AQSH dollary, aıyppul salynady. Azamattyǵy joqtar óz elderine deportasıalanady jáne belgili bir merzimge deıin Koróldikke qaıta kirýge tyıym salynady. Sonymen qatar, qajylyq tártibin buzǵandardy ruqsatsyz tasymaldaǵan kez kelgen adam 6 aıǵa deıin bas bostandyǵynan aıyrylyp, 50 000 rıalǵa deıin, ıaǵnı 13 328 AQSH dollary, aıyppul tóleıdi jáne tasymaldaý úshin paıdalanylǵan kóligi tárkilenedi”, –  delingen QMDB habarlamasynda.

Qoǵamdyq qaýipsizdik qyzmeti, eger zań buzýshy rezıdent bolsa, ol jazasyn ótegennen keıin deportasıalanatyndyǵyn jáne zańǵa sáıkes belgili bir merzimge deıin Koróldikke qaıta kirýine tyıym salynatyndyǵyn habarlady.

Tasymaldanǵan adam sanyna baılanysty tártip buzýshylarǵa salynatyn aıyppul mólsheri de óspek.

Eske salsaq, Saýd Arabıasy koróldiginiń qajylyq jáne ýmra mınıstrligi ýmra, týrısik, jumys, otbasylyq, tranzıttik jáne basqa da vıza túrleri qajylyqqa quqyq bermeıtinin málimdegen.