Joǵarǵy sot respýblıka boıynsha sot otyrystaryn tikeleı efırde ótkizý praktıkasyn jalǵastyryp jatyr.

Qaraǵandy qalasynda jedel járdem júrgizýshisine kúsh qoldaný arqyly buzaqylyq jasaǵan adamnyń sotynyń jalǵasy Qaraǵandy qalasynda, búgin, 17 maýsym saǵat 11:00-de ótedi.

Sot prosesiniń onlaın-translásıasyn Joǵarǵy sottyń YouTube-arnasynan myna siltemede kórýge bolady. 

Eske salsaq, 2024 jyldyń 27 qańtarynda er adam naýqasqa kelgen dárigerler brıgadasynyń júrgizýshisimen sózge kelip qalyp, judyryq ala júgirgen bolatyn. Janjalǵa er adamnyń aýla jolymen óte almaǵany sebep bolǵan. Oqıǵa ornynan kúdikti qashyp ketken bolatyn.

Depýtat Elnur Beısenbaev jedel járdem júrgizýshisin soqqyǵa jyqqan kúdiktini tez arada tabýdy talap etip, 1 aqpan kúni jedel járdem júrgizýshisin urǵan er adam ustaldy.

Keıinnen İshki ister mınıstrligi kúdiktiniń jazasyz qalmaıtynyn jetkizgen bolatyn.