Búgin Qonaevta Halyqaralyq balalardy qorǵaý kúni erekshe jáne aýqymdy atap ótildi, dep habarlaıdy Qamshy.kz aqparat agenttigi qala ákiminiń baspasóz qyzmetine silteme jasap.

Tańerteń qala ákimi Asqat Berdihanov aýrýhanada emdelip jatqan balalardy quttyqtady. Sodan keıin ortalyq alańda gala-konsert ótti.

İs-shara balabaqsha túlekterinen, aıtarlyqtaı jetistikterge jetken oqýshylardan, sportshylardan, "Jas sarbaz" jáne "Jas polısıa"synyp oqýshylarynan turatyn sherýmen ashyldy. Jas bıshiler túrli halyqtardyń bılerin oryndady.

"Búginde oblys ortalyǵynda 22 myńnan astam bala bar. Olardyń ishinde biz óńirimizdiń namysyn qorǵaıtyn, iri jarystarda jerlesterin qýantyp, jyl basynan beri 100-den astam medal jeńip alǵan jas sportshylardy maqtanyshpen atap ótýge bolady.

Qonaevta barlyǵy 13 290 oqýshy oqıdy, olardyń ishinde 500-den astam oqýshy oblystyq, respýblıkalyq jáne halyqaralyq deńgeılerde túrli konkýrstar men Ǵylymı jobalarda júldeli oryndarǵa ıe boldy. Bul úlken jetistik. Barshańyzdy merekemen quttyqtaımyn!"- Asqat Berdihanov quttyqtaý sóz sóıledi.

Oblys ortalyǵynyń basshysy syılyqtar tapsyrǵan múmkindigi shekteýli balalar týraly umytpadyq. Aıta keteıik, búgin qala ákiminiń atynan oqýshylarǵa 600 syılyq jáne 1000 balmuzdaq tabys etildi.

Konsert barysynda kúıler men ánder oryndaldy. Balalar sýretshileriniń, tiginshiler men qolónershilerdiń shyǵarmashylyq kórmesi uıymdastyryldy. Jas qatysýshylardy oqytý maqsatynda qutqarýshylar arnaıy tehnıka kórmesin uıymdastyryp, órt sóndirýshiniń kásibi týraly aqparat berdi.

Sondaı-aq, otbasylyq oıyndar uıymdastyryldy, balalar alańda shahmat oınady, voleıbol, basketbol jáne boks sıaqty sport túrlerinen óner kórsetti.

Jalpy merekelik is-shara 3 saǵatqa sozyldy. Saltanatty sharaǵa 1500-den astam bala qatysty.