Kompanıa ózin ınvestısıalyq qor retinde tanystyrǵan, biraq ýáde etilgen dıvıdendter (aı saıyn 2-3% - dan) qatysýshylarǵa jańa salymshylardan qarajat tartý arqyly ǵana tólengen.

Azamattarǵa brokerlik qyzmet kórsetý, baǵaly qaǵazdar naryǵyndaǵy saýda jáne Angola Respýblıkasynda (Afrıka) almaz óndirý jobasyna ınvestısıalaý boıynsha qyzmetterdi oryndaýǵa sendire otyryp, qarajattaryn senimgerlik basqarýǵa berý usynylǵan.

«Sax Invest» resmı saıtynda tirkelý jáne jeke kabınetke kirý úshin joba klıentinen silteme alý qajet, ıaǵnı jobaǵa kirý shaqyrý-silteme arqyly ǵana júzege asyrylǵan.

Bonýstar jańa salymshylar tartylǵan jaǵdaıda ósken, olardy keıinnen kompanıa júıesi ishinde basqa tulǵaǵa aýdarý arqyly qolma-qol aqshaǵa aınaldyrýǵa bolatynyn aıtqan.

Salymshylardyń barlyq aqshalaı qarajattary kompanıanyń banktik shotyna emes, uıymdastyrýshynyń jeke banktik kartasyna aýdarylǵan.

- 2018 jylǵy qańtardan bastap 2022 jylǵa deıingi kezeńde kompanıadaǵy aqsha aınalymy 18 mln AQSH dollaryna (9 mlrd teńgege jýyq) jetip, 3 000-nan astam salymshyny quraǵan, - delingen habarlamada.

«Sax Invest» qarjy pıramıdasyn uıymdastyrýshylarynyń biri ustalyp, ýaqytsha ustaý ızolátoryna qamaldy.