İİM málimetinshe, Baıseıit aýylynda jol qozǵalysy qaýipsizdigin qadaǵalaý kezinde oblystaǵy patrúldik polısıa batalónynyń qyzmetkerleri jol erejesin buzǵan Toyota Ipsum avtokóligin toqtatady. Rólde Dostyq aýylynyń 34 jastaǵy turǵyny bolǵan. Qujattardy rásimdeý sátinde júrgizýshi polısıa qyzmetkerleriniń zańdy talaptaryna baǵynýdan bas tartty. Ol polıseılerdi elemeı, kólikke qaıta otyrady. Ol polısıa qyzmetkeriniń  saýsaǵy kólik esigine qysylyp qalǵanyna qaramaı, qozǵala bastaıdy. Kólik ornynan kúrt qozǵalyp, polısıa qyzmetkerin 10-15 metrdeı jerge súırep áketken. Aqyry ofıser qolyn bosatyp úlgergenimen asfáltqa qulap, jaraqat aldy. 

Qashýǵa tyrysqan júrgizýshi  kóp uzamaı qolǵa túsip, Shelek aýylynyń polısıa bólimine jetkizildi. Qazirgi ýaqytta quqyq qorǵaý organy qyzmetkerine kúsh qoldaný deregi boıynsha qylmystyq is qozǵalyp, júrgizýshi ýaqytsha ustaý ızolátoryna qamaldy.