Basylym málimetine súıensek, Patrúldik polısıa polkiniń qyzmetkerleri joldaǵy quqyqbuzýshylyqtardy boldyrmaý jáne ony der kezinde anyqtaý maqsatynda megapolıs joldarynda úzdiksiz reıdtik is-sharalar júrgizip jatyr. Atqarylǵan jumystardyń nátıjesinde jyl basynan beri kólik terezesin kúńgirttegen 19 629 júrgizýshi jaýapkershilikke tartylǵan. Olarǵa qatysty ÁQBtK-niń 590-baby 5-bóligi boıynsha ákimshilik hattama toltyryldy. Avtokólik ıelerimen der kezinde áınektegi kúńgirtteý qaǵazyn alyp tastaý jumystary júrgizildi. Osy tusta tártip saqshylary tehnıkalyq reglamentterdiń, ulttyq standarttar talaptaryna saı kelmeıtin, sondaı-aq kólik quraldaryn paıdalanýǵa tyıym salynatyn aqaýlar men jaǵdaılary bar kólik quraldaryn basqarý 5 AEK mólsherinde aıyppul salýǵa ákep soǵatynyn eskertti.