Qazaqstanǵa resmı saparmen Birikken kúres álemi (UWW) prezıdenti Nenad Lalovıch keldi.

Nenad Lalovıchti arnaıy Astana halyqaralyq áýejaıynan QR Týrızm jáne sport mınıstriniń orynbasary Serik Jarasbaev jáne Kúres túrleri federsıasynyń prezıdenti Dáýlet Turlyhanov kútip aldy.

Kúres álemi prezıdenti elimizge sapary barysynda elordadaǵy birneshe sporttyq arenalardy aralamaq. Atap aıtsaq, Qazaqstan jeńil atletıka sport keshenin, Jaqsylyq Úshkempirov atyndaǵy jekpe-jek saraıyn óz kózimen kórmek.

Sonymen qatar Lalovıchke Astanada salynyp jatqan Ulttyq sport ýnıversıtetiniń qurylysymen tanystyrý josparlanǵan.

İssapar barysynda Birikken kúres álemi prezıdenti Qazaqstan Ulttyq olımpıada komıtetiniń basshysy Gennadıı Golovkınmen kezdesedi.