ASTANA. QazAqparat - «Nurly jol - bolashaqqa bastar jol» baǵdarlamasy aıasynda aımaqta 2015 jylǵa «SHQ REK» AQ jalpy kuny 3,9 mlrd teńgege elektrtasymaldaý júıelerin  jóndeýden ótkizýdi, jańǵyrtýdy, qaıta jóndeýdi josparlap otyr.   Sondaı-aq, uzyndyǵy 1 559 shaqyrymdyq «Ekibastuz-Semeı-Óskemen» joǵarǵy vóltti jelisiniń qurylysy bastalǵan.
Bul týraly keńeıtilgen aparattyq keńes barysynda energetıka jáne turǵyn úı-kommýnaldyq sharýashylyq basqarmasynyń basshysy Aıtqazy Sherýbaev baıandap, atalǵan jobalardy júzege asyrý barysy baqylaýda ekenin atap ótti, dep habarlady SHQO ákimdiginiń baspasóz qyzmetinen.

Búgingi tańda aımaq boıynsha josparlanǵan jobalardyń ishinde 1 shaqyrym elektrtasymaldaý jelisi salynǵan, 110 shaqyrymy qaıta jóndeýden ótken jáne jańǵyrtylǵan, 553 shaqyrym elektrtasymaldaý júıesi kúrdeli jóndeýden ótken.

Bıylǵy jyldyń basty jobalarynyń biri «KEGOC» AQ salyp jatqan jalpy uzyndyǵy 1 559 shaqyrymdyq, al SHQO boıynsha 865 shaqyrymdy quraıtyn «Ekibastuz-Semeı-Óskemen» joǵarǵy vóltti júıesi bolyp tabylady. Jobanyń Shyǵys Qazaqstan oblysy boıynsha jalpy quny 45,5 mlrd teńgeni quraıdy.

Energetıka jáne turǵyn úı-kommýnaldyq sharýashylyq basqarmasynan habarlaǵandaı,  jobanyń negizgi maqsaty Soltústik-SHyǵys qıylysyndaǵy ótkizý qabiletin ulǵaıtyp, Shyǵys Qazaqstan oblysynda Reseı biryńǵaı energetıka júıesi arqyly ótetin elektr qýaty tranzıtine qaramaı, tapshylyqtyń ornyn toltyrýdy qamtamasyz etý bolmaq.

Sondaı-aq, Óskemen jáne Semeı qalalarynda turǵyn úı-kommýnaldyq sharýashylyq ınfraqurylymyn jáne jylý, sýmen qamtý júıelerin jańǵyrtý jumystary jalǵasyp jatyr.

Jalpy, jylýmen qamtý nysandaryn jańǵyrtý boıynsha, jalpy somasy 2 111,5 mln teńgege 12 joba iske asýda.

-Jalpy alǵanda «Nurly Jol» baǵdarlamasyn júzege asyrý jumysy qarqyndy júrgizilýde. Semeı qalasyna qatysty da birqatar jumystar atqarylǵandyǵyna kúmánim joq, - dedi oblys ákimi Danıal Ahmetov.

Derekkóz: qazAqparat