فەيسبۋك بۇگىندە پىكىرتالاس الاڭىنا اينالعان. ءار ادام ءوز ويلارىن، تولعاندىرىپ جۇرگەن سۇراقتارىن كوپشىلىكپەن ءبولىسىپ، تالقىلاپ جاتادى. بەلگىلى اقىن تىنىشتىقبەك ابدىكاكىم ۇلى ءوزىنىڭ قىسقا افوريزم تەكتەس ويلارىمەن ءبولىسىپ، كوپتىڭ نازارىن اۋدارتىپ ءجۇر. ويتكەنى كەيبىر ويلارى حالىق اراسىندا كەراعار پىكىردى تۋعىزۋدا.
تىنىشتىقبەك ابدىكاكىم ۇلى فەيسبۋكتەگى سوڭعى جازبالارىنىڭ بىرىندە "مەن جۇماقتان باس تارتام! ارامتاماق ءارى قاتىنقۇمار بولعىم كەلمەيدى!" دەپ جازدى. بۇل، ارينە، قوعامدا قاراما-قايشى پىكىر تۋدىراتىن ءسوز. بىرەۋ بۇنىڭ نە ماقساتپەن جازىلعانىن تۇسىنسە، ەندى بىرەۋ اقىندى تۇسىنبەي جاتىر. ءبىز وسى جازبانىڭ استىنداعى كەيبىر پىكىرلەردى وقىرمان نازارىنا ۇسىنعاندى ءجون كوردىك.
ماڭدايلى قوسىمباي: جۇماقتا ەركەكتەردى نە كۇتەتىنى بەلگىلى بولدى. ايەلدەردىڭ ءحالى نەشىك بولادى ەكەن؟
اۋىت مۇقيبەك: ءسىزدى جۇماققا بارادى دەپ كىم ايتتى؟
سارسەنباي قاليبەك: تەك اقىماق ادام عانا جۇماقتان باس تارپاق. توزاق دەگەن وتە جامان ورىن.
تىنىشتىقبەك ابدىكاكىم ۇلى: وندا سىزدەردەي دانىشپانداردىڭ قاسىندا جۇرۋدەن ۇيالعاندىقتان، الدىن-الا وسىنداي شەشىمگە كەلىپ وتىرمىز، سارسەش.
سارسەنباي قاليبەك: اتەيست بولارسىز. نە پۇتقا تابىنۋشىسىز با ؟
تىنىشتىقبەك ابدىكاكىم ۇلى: اتا ءتىلىم مەن ۇلتتىق دۇنيەتانىمىم امان بولسىن! پىكىرلەسۋ مادەنيەتىن بىلمەگەندىكتەن، بىردەن وپپونەنتىنىڭ جەكە باسىنا سوقتىعا باستايتىن سىزدەردەي "كوركەممىنەزدى مۇسىلماندار" دا امان بولسىن، ارداقتى سارسەش!
قانات بايكەنجە: جاراتۋشىنىڭ شىن ءجۇزىن ءبىر كورسە ءسىز كورەرسىز، تىنىشتىقبەك اعا. جاراتىلىستىڭ قۇدىرەتىن اقىننان باسقا كىم جەتە تۇسىنە الار دەيسىز. ال ءدىني دوگمامەن ميى ۋلانعان فاناتيكتەردىڭ قۇدايىنىڭ جۇماعى دا، توزاعى دا وزدەرىنە بۇيىرسىن. ولاردىڭ دۇنيەتانىمى ەش اقىلعا سىيمايدى، ءبىراق سول دىنگە ۇيىپ ءوز تەگىنەن، بولمىسىنان جەرىنىپ جۇرگەن نادانداردىڭ كوپتىگى قىنجىلتادى.
كويشىبەك مۇباراك: كوكە-اۋ! بارا المايتىنىڭىزدى ءبىلىپ قويىپ، الدىن-الا جول تاۋىپ جاتقان جوقسىز با؟
تىنىشتىقبەك ابدىكاكىم ۇلى: ءدال قۇراندا باياندالعانداي جۇماقتىڭ ماعان شىنىندا دا تەككە قاجەتى جوق. ءبىز ول جايىندا بىلتىر كوپتەگەن دۇنيەلەر جازعانبىز، ءقادىرلى قويشىبەك.
