اتىراۋ وبلىسى اكىمىنىڭ باسپا ءسوز قىزمەتى باستاۋىش جانە جوعارعى سىنىپ وقۋشىلارىنا حابارلايدى:

ءقادىرلى وقۋشى، قۇرمەتتى جاس ورەن! سەنىڭ اتا-اناڭا، وتباسىڭا بار جاعدايدى جاساۋ ءۇشىن اعالارىڭنىڭ كۇندىز-تۇنى تىنباي ەڭبەك ەتىپ جاتقانىن بىلەسىڭ. وتباسىڭنىڭ، جاقىندارىڭنىڭ، دوستارىڭنىڭ ءومىرىنىڭ جايلى بولۋى ءۇشىن كۇندە كوپتەگەن ماڭىزدى شەشىمدەر قابىلدانىپ جاتىر. سەن تازا جەردە دوپ تەۋىپ، اسىق ويناسىن، ۇيىڭدە سۋ بولسىن، جارىق بولسىن، اۋلاڭدا جول بولسىن، اتا-اناڭنىڭ كوڭىلى كوتەرىڭكى بولسىن دەپ ويلانادى اعالارىڭ. ونى تەلەديداردان كورىپ، گازەت-سايتتاردان كۇندەلىكتى وقىپ ءجۇرسىڭ. ەلباسىمىزدىڭ قامقورلىعىمەن جاسالعان جۇمىس كوپ ناتيجەگە جەتكىزدى.

ءقادىرلى جاس، ءبىراق تۋعان ولكەمىزدىڭ دامي ءتۇسۋى ءۇشىن تەك اعالار ەمەس، جاستار دا جۇمىستانۋى كەرەك ەمەس پە؟ سول جاستاردىڭ ىشىندە ءوزىڭ دە بارسىڭ عوي. ولاي بولسا، ويلانىپ كورشى. دوستارىڭا، جاقىندارىڭا، اۋىلىڭا، كوشەڭە ءوزىڭ قانداي جاقسىلىق جاساۋدى ارماندايسىڭ؟ ولارعا نەندەي نارسەلەر كەرەك؟ ولارعا كومەكتەسۋ ءۇشىن ءوزىڭ نە ىستەپ جاتىرسىڭ جانە نە ىستەگىڭ كەلەدى؟ وسىلاردى جاقسىلاپ ويلان.

سودان سوڭ سول ارماندارىڭ مەن ماقساتتارىڭدى قاعازعا ءتۇسىرىپ بىزگە جىبەر. ءبىز سەنىڭ حاتىڭدى مىندەتتى تۇردە وقيمىز. سەن سەكىلدى ارمانشىل، ماقساتشىل جاستىڭ بار ەكەنى بىزگە ۇلكەن ءۇمىت، زور قۋانىش سىيلايدى.

ولاي بولسا، ىسكە ءسات! قالام مەن قاعاز الىپ جازعان حاتىڭدى مىنا مەكەن-جايعا جىبەرەرسىڭ: اتىراۋ قالاسى، ايتەكە بي كوشەسى، 77 ءۇي، اتىراۋ وبلىسى اكىمى اپپاراتىنىڭ باسپا ءسوز قىزمەتى بولىمىنە.