اقوردادا قازاقستان رەسپۋبليكاسى پرەزيدەنتىنىڭ شەشىمىمەن قۇرىلعان مەملەكەتتىك بيلىكتىڭ تارماقتارى اراسىندا وكىلەتتىكتەردى قايتا ءبولۋ ماسەلەلەرى جونىندەگى جۇمىس توبىنىڭ العاشقى وتىرىسى بولىپ ءوتتى. بۇل تۋرالى اقوردانىڭ باسپا ءسوز قىزمەتى حابارلادى.
جۇمىس توبى مۇشەلەرى ۇيىمداستىرۋ ماسەلەلەرىن تالقىلادى. بيلىك وكىلەتتىكتەرىن قايتا ءبولۋ جونىندەگى ۇسىنىستاردى ازىرلەۋ بارىسىندا جيناقتالعان وتاندىق جانە شەتەلدىك تاجىريبە، قولدانىستاعى زاڭنامانىڭ جانە قازاقستان رەسپۋبليكاسى كونستيتۋسياسىنىڭ نورمالارىن قولدانۋ پراكتيكاسى زەردەلەنىپ، تالداۋ جاسالادى.
جۇمىس توبىنىڭ قىزمەتىنە زاڭگەر، عىلىمي-ساراپتامالىق قاۋىمداستىعى، سونداي-اق قالىڭ جۇرتشىلىق بەلسەنە تارتىلاتىن بولادى.
مەملەكەتتىك بيلىكتىڭ تارماقتارى اراسىندا وكىلەتتىكتەردى قايتا ءبولۋ ماسەلەلەرى جونىندەگى جۇمىس توبىنىڭ مۇشەلەرى:
- جاقسىبەكوۆ ادىلبەك رىسكەلدى ۇلى – قازاقستان رەسپۋبليكاسى پرەزيدەنتى اكىمشىلىگىنىڭ باسشىسى، جۇمىس توبىنىڭ جەتەكشىسى
- اسانوۆ جاقىپ قاجمان ۇلى – قازاقستان رەسپۋبليكاسىنىڭ باس پروكۋرورى
- بەكەتايەۆ مارات باقىتجان ۇلى – قازاقستان رەسپۋبليكاسىنىڭ ادىلەت ءمينيسترى
- گروموۆ سەرگەي نيكولايەۆيچ – قازاقستان رەسپۋبليكاسى پارلامەنتى سەناتى ءتوراعاسىنىڭ ورىنباسارى
- دوناقوۆ تالعات سوۆەتبەك ۇلى – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى
- جالايري ءومىرالى شاقاراپ ۇلى – د.ا. قونايەۆ اتىنداعى ەۋرازيالىق زاڭ اكادەمياسىنىڭ رەكتورى
- يسيمبايەۆا گۇلميرا يستايبەك قىزى – قازاقستان رەسپۋبليكاسىنىڭ پارلامەنتى ءماجىلىسى ءتوراعاسىنىڭ ورىنباسارى
- قاۋدىروۆ تولەش ەردەن ۇلى – قازاق گۋمانيتارلىق زاڭ ۋنيۆەرسيتەتى ازاماتتىق–قۇقىقتىق زەرتتەۋلەر عىلىمي-زەرتتەۋ ينستيتۋتىنىڭ ديرەكتورى
- ءمامي قايرات ءابدىرازاق ۇلى – قازاقستان رەسپۋبليكاسىنىڭ جوعارعى سوتىنىڭ ءتوراعاسى
- مۇقاشيەۆ راقمەت جەلدىباي ۇلى – «قازاقستان زاڭگەرلەر وداعى» رەسپۋبليكالىق قوعامدىق بىرلەستىگىنىڭ ءتوراعاسى
- روگوۆ يگور يۆانوۆيچ – قازاقستان رەسپۋبليكاسى كونستيتۋسيالىق كەڭەسىنىڭ ءتوراعاسى
- فەدوتوۆا زينايدا لەونتيەۆنا – قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ پروفەسسورى
