5 ميللارد تەڭگەنى بيزنەسمەندەرمەن ءبولىسىپ الدى دەپ ءىستى بولعان رۋسلان ەردەنايەۆتىڭ ورنىنا ءبىرىڭعاي زەينەتاقى جيناقتاۋ قورىنا جاڭا باسشى كەلدى، دەپ حابارلايدى كتك ارناسى.
ميلليونداعان قازاقستاندىقتىڭ زەينەتكە جيناعان قارجىسىنا جاۋاپتى مەكەمەگە ءنۇربيبى ناۋرىزبايەۆا تاعايىندالىپ وتىر. جاڭا ءتورايىم كەزىندە «ءتۇرعىنۇي قۇرىلىس جيناق بانكىن» 10 جىلداي باسقارعان. تەك، بۇگىن ۇلتتىق بانك باسشىلارى جەر كوككە سىيعىزباي ماقتاعان ناۋرىزبايەۆا حانىم، 4 جىل بۇرىن قاراماعىنداعىلارى مەملەكەتتىك پاتەرلەردى ءوزارا ءبولىسىپ العانى دالەلدەنگەن سوڭ ، قىزمەتىنەن الىنعانىن ايتا كەتەيىك.
5 ميللارد تەڭگەنى جەدى دەپ ايىپتالعان رۋسلان ەردەنايەۆتىڭ ورنىن بۇگىننەن باستاپ ءنۇربيبى ناۋرىزبايەۆا باستى. بۇعان دەيىن ول وسى ورىندا ۋاقىتشا وتىرعانىن ايتا كەتەيىك. ال بۇگىن ناۋرىزبايەۆانى رەسمي تۇردە كوپشىلىككە تانىستىرعان ۇلتتىق بانك باسشىلارى جاڭا ءتورايىمدى جەرگە تۇسىرمەي ماقتادى. ءنۇربيبى سەرىكقاجى قىزى دا بەلشەدەن بىلىققا باتقان ءبىرىڭعاي زەينەتاقى قورىنىڭ جۇمىسىن الداعى ۋاقىتتا جونگە سالامىن دەپ ءبىرىنشى مالىمدەمەسىن جاسادى.
ءنۇربيبى ناۋرىزبايەۆا، ءبىرىڭعاي زەينەتاقى جيناقتاۋ قورىنىڭ ءتورايىمى:
-الداعى ۋاقىتتا زەينەتاقى قورىندا ىشكى ءتارتىپ كۇشەيتىلەتىن بولادى. حالىقارالىق ستاندارتتارعا ساي قىزمەت جاسايمىز. سالىمشىلاردىڭ قۇقىعىن قورعاپ، ولاردىڭ جيىپ-تەرگەنىن ساقتاۋ مەنىڭ ءبىرىنشى مىندەتىم بولماق.
ءبىراق «قوردىڭ قىزمەتىن قاتىرام» دەگەن بۇل باسشى دا الدىڭعى قىزمەتىنەن ىڭ-شىڭسىز كەتپەگەنىن ەسكە سالايىق. ءنۇربيبى ناۋرىزبايەۆا «ءتۇرعىنۇي قۇرىلىس جيناق بانكىن» باسقارىپ تۇرعاندا قاراماعىنداعى قىزمەتكەرلەرى پاتەرلەردى ءوزارا ءبولىسىپ الىپ، داۋعا قالعان بولاتىن. مەملەكەتتىك باعدارلاما بويىنشا، ەليتالىق اۋداندا تۇرعىزىلعان «ايگەرىم» كەشەنىنەن ولار قوس-قوستان پاتەر العان. بانكيرلەردىڭ بىلىعى اقورداعا دەيىن جەتىپ، سودان بەرى «تۇرعىن ءۇي قۇرىلىس جيناق بانكىنىڭ» باسشىلارىنا مەملەكەتتىك باعدارلاما بويىنشا ءۇي الۋعا تىيىم سالىنعان ەدى. ءسويتىپ، ناۋرىزبايەۆ حانىم دا ءوزى ورنىنا كەلگەن ارىپتەسى سەكىلدى قىزمەتىنەن الىنعان.
نۇرلان جازىلبەكوۆ، ءماجىلىس دەپۋتاتى: 17 قازان، 2013
- ماسەلەن، الماتىدا ءال-فارابي مەن روزىباكييەۆ كوشەلەرىنىڭ قيىلىسىنداعى «ايگەرىم» تۇرعىن ءۇي كەشەنىن بانك قىزمەتكەرلەرى ءوزارا ءبولىسىپ العان. تىزىمدە كوش باستاپ ءتورايىم ءنۇربيبى ناۋرىزبايەۆا مەن ونىڭ ەكى ورىنباسارى تۇر. ولاردىڭ بىرەۋى دە كەزەككە تۇرۋ سىندى رەسمي تالاپتاردى پىسقىرماعان. سوندىقتان ۇكىمەت پەن باس پروكۋرتۋرا «ءتۇرعىنۇي قۇرىلىس جيناق بانكىنىڭ» باسشىلارىنا قاتىستى تەكسەرۋ جۇرگىزسىن.
ءبىراق، ۇلتتىق بانك باسشىلىعى ەندى ونداي كەلەڭسىز جايتتىڭ قايتالانبايتىنىنا سەنىمدى بولسا كەرەك. دەسە دە، بۇدان بىلاي ءبىرىڭعاي زەينەتاقى قورى جەكە قارجىسىن دا باسقارا المايدى ەكەن. ونداعى بارلىق اكتيۆتەردى ەندى ۇلتتىق بانك باقىلاۋىنا الماق. ياعني، ساۋدا ساتتىقتى باس بانكتىڭ ءوزى جۇرگىزەدى.
