نۇرسۇلتان نازاربايەۆ قىرعىز رەسپۋبليكاسىنىڭ پرەزيدەنتى المازبەك اتامبايەۆقا كوڭىل ايتۋ جەدەلحاتىن جولدادى قازاقستان پرەزيدەنتى ۇشاق اپاتى سالدارىنان بىشكەك قالاسىنىڭ ماڭىندا كوپتەگەن ادامنىڭ قازا بولعانى تۋرالى قايعىلى حاباردى زور كۇيزەلىسپەن قابىلدادى. مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان قازا بولعانداردىڭ تۋىستارى مەن جاقىندارىنا، سونداي-اق بارشا قىرعىز حالقىنا كوڭىل ايتتى.

قىرعىزستاندا ورىن العان ۇشاق اپاتى قۇرباندارى سانى 35 ادامعا جەتتى دەپ حابارلاعان بولاتىنبىز. جاڭا دەرەكتەردىڭ مالىمەتىنشە، قازا تاپقانداردىڭ سانى 37 ادامعا جەتكەن. 

ايتا كەتسەك، ساعات تاڭعى 7.31-دە قىرعىزستاننىڭ شۋ وبلىسى سوكۋلۋك اۋدانى داچا-سۋۋ اۋىلىندا، اۋەجايعا جاقىن جەردە گونكونگتەن تۇركياعا بەت العان جۇك ۇشاعى قۇلادى. اۆيالاينەر «ماناس» اۋەجايىنان ماي قۇيۋدى جوسپارلاعان. الايدا اۋا رايىنىڭ قولايسىزدىعى سالدارىنان ول اپاتقا ۇشىرادى. ال، ۇشاق اپاتىنان امان قالعان ۇشقىش اۋرۋحاناعا بارا جاتقان جولدا كوز جۇمعان.