سيرەك كەزدەسەتىن اۋرۋمەن تۋىلعان جۇڭگو بالاسىنىڭ تاعدىرى ميلليونداردىڭ نازارىنا ىلىكتى. بالانىڭ بەت سۇيەكتەرى اجىراعان، سول سەبەپتى اۋزى مەن قۇلاعىنىڭ اراسى ءبولىنىپ اشىق تۇرادى. ءبىر قاراعاندا بالادا ەكى بەت بار سياقتى.

حۋيكانگ 2009 جىلدىڭ ناۋرىزىندا فەرمەر وتباسىندا قحر-نىڭ سيانتان وڭىرىندە دۇنيەگە كەلگەن. بالاسىن العاش باۋىرىنا باسقان كەزدە اناسى شوشىپ قالعانىن ەسكە الادى.

«بوپەمدى ماعان الىپ كەلگەندە ءبىر ساتكە اياق-قولىم ىستەمەي قالدى» دەيدى اناسى يي لانسى.  بالام جىلاپ جاتتى، مەنىڭ دە جۇرەگىم قان جىلادى. نە ءۇشىن؟ دەگەن سۇراقتى وز-وزىمە قويا بەردىم.

يي لانسى جۇكتىلىك بارىسىندا ۋزد-نى ءۇش رەت جاساعاندا دارىگەرلەر بالانىڭ بويىنان ەشقانداي اۋىتقۋ بايقاماعاندارىن ايتىپ بەردى. بۇكىل وتباسى اناسىنىڭ بالاسىنان باس تارتقانىن قالاعان، الايدا اجەسى ولارعا قارسى شىعىپتى. يي لانسىنىڭ وتباسى ءداستۇرلى جۇڭگو وتباسى بولعاندىقتان كورشىلەرىنىڭ ولار جايلى نە دەيتىنى، قالاي قارايتىنى ماڭىزدى ەكەن. ەشنارسەگە قاراماستان يي لانسى حۋيلانگتان باس تارتپايدى.

اناسى بالاسىن جەرگىلىكتى ەمحاناعا اپارىپ كورسەتكەندە اتالمىش وقيعا باق-تا كەڭىنەن تارالىپ كەتەدى. بۇكىل قوعام، ەل بولىپ يي لانسىعا قولداۋ كورسەتىلگەن. ولار بولسا وسى ۋاقىتقا شەيىن بالانىڭ ەمىنە ۇلكەن قاراجات جۇمساپ كەلگەن. قايىرىمدىلىق شارالارىنىڭ ناتيجەسىندە بۇگىندە قىرۋار اقشا تۇراتىن قىمبات وتا جاساتۋعا مۇمكىندىك بار. قاراجات دايىن بولعانمەن، وتانى ءقازىر جاساتۋعا بولمايدى ەكەن. بالا 10 جاسقا كەلگەندە، ونىڭ بەت سۇيەگى كادىمگى بالانىكىندەي بولىپ وسكەن جاعدايدا عانا وتا جاساۋعا بولاتىنى بەلگىلى بولدى.

دەگەنمەن، حۋيلانگقا ءبىر وتا جاسالىنىپ قويدى. جەرگىلىكتى تەليەۆيدەنيە ءوز كەزەگىندە بۇل تۋرالى سيۋجەت دايىنداعان ەكەن. ونداعى ماقسات حۋيلانگتىڭ دەنساۋلىعى مەن تاعدىرىنا الاڭداعان مىڭداعان ادامنىڭ كوڭىلىن ورنىنا ءتۇسىرۋ بولاتىن. 

اۋدارعان: جازيرا بايدالى