ايگىلى كورىپكەل زيراددين رزايەۆ رەسەي ەلىمەن كورشىلەس مەملەكەتتەردە قۇرىلۋى مۇمكىن اسكەري ۇيىمدار مەن بولاشاقتاعى جاعدايى تۋرالى مالىمدەدى دەپ حابارلايدى sputnik.az، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

– تورت-بەس جىلدان سوڭ الەمدەگى جاعداي قاتتى وزگەرەدى. جاڭا اسكەري ۇيىمداردىڭ ءوزارا تەكەتىرەسى باستالادى.

2016 جىلدىڭ 27 جەلتوقسانىندا ۇلىبريتانياداعى تونگەن قارا اسپان جايلى ايتقان بولاتىنمىن. الايدا، ول ايتقان بولجامدارىم 1 قاڭتار كۇنى جاريالاندى. جاقىن ارادا ۇلىبريتانيا پاتشايىمى ەليزاۆەتا ءىى دۇنيە سالۋى مۇمكىن ەكەندىگىن ايتۋعا ازداپ قىنجىلعان بولاتىنمىن. ول جاقتا ءۇش كۇنگە سوزىلعان ازا تۇتۋ كۇنى جاريالانادى. سونىمەن قاتار 7 جانە 8 دەگەن ەكى ساندى كوردىم. ازىرگە ولاردىڭ قانداي ماعىنا بەرەتىنىن ناقتى ايتا المايمىن. مەن ءتۇس كوردىم.

ءبىر تىلسىم داۋىس ماعان بۇل كورگەندەرىمدى ۋاقىتىنان ەرتە ايتپاۋ كەرەكتىگىن ەسكەرتتى، دەگەنمەن، ونى حالىققا جەتكىزۋدى ءجون سانادىم. تۇسىڭدە قارا بۇلتتى كورۋ – جاقسى بەلگى ەمەستىگىن بارلىعى بىلەدى.

– ۇلىبريتانيانىڭ بولاشاعىن قالاي بولجار ەدىڭىز؟ ول ەو مۇشەسىنەن كەتەدى مە؟

ۇلىبريتانيادا ەشتەڭە دە وزگەرمەيدى. ەليزاۆەتا ءىى پاتشايىمنان سوڭ تاققا ونىڭ ۇلى چارلز حانزادا كەلەتىنى بارشامىزعا ءمالىم. جاقىن ارادا ۇلىبريتانيادا ساياسي وزگەرىستەر بولمايدى.

ۇلىبريتانيا ەو-تىڭ قۇرامىنان شىعادى. الايدا، جاقىن، ياعني 2017 جىلى بۇل وقيعا بولادى دەپ ايتا المايمىن.

– دونالد ترامپتىڭ باسقارۋىندا اقش-تىڭ جاعدايى قالاي بولماق؟

ترامپ بيلىككە كەلگەننەن سوڭ الەمدە داعدارىس بولمايدى، ءبىراق ودان سوڭ جاعداي مۇلدەم ناشار بولادى. ترامپ ءوزىن كوگىلدىر ەكراندا كورسەتىپ جۇرگەندەي ادام ەمەس. ول وتە اقكوڭىل، رەسەيدى قولدايدى جانە الەمدە بەيبىتشىلىك ورناعانىن قالايدى. الايدا، شىعىسقا قاراي اسكەري كۇش جاساقتاپ، ونىڭ جوسپارىن ويلاستىرۋ ماقساتىندا ترامپتى اقش-تىڭ پرەزيدەنتتىك تاعىنا ۋاقىت ۇتتىرۋ ءۇشىن ادەيى وتىرعىزدى. ونى الەمدىك ساياساتتى باسقارىپ وتىرعان ادامدار جاساعان. ولاردىڭ جوسپارلارى تاۋسىلىپ قالعاننان سوڭ ادەيى ويلاستىرعان. ولاردىڭ كەلەسى كوزدەپ وتىرعان ەلدەرى رەسەيمەن كورشىلەس مەملەكەتتەر. قازاقستان، مولدوۆا، وزبەكستان ەلدەرى ۋكراينانىڭ كەبىن كيۋى ابدەن مۇمكىن. وسى ورايدا، ءۇش-تورت جىلدىڭ ىشىندە كوزدەگەن ماقساتتارىنا جەتۋ ءۇشىن بار كۇشتەرىن سالىپ جاڭا جوسپار قۇرىپ جاتىر.

ترامپتىڭ بيلىگى كەزىندە تىنىش بولادى. سيريا، يراك، اۋعانستان، ۋكراينا ەلدەرىنىڭ اراسىنداعى قارىم-قاتىناس جوسپارى ءبىر جىلدىڭ ىشىندە ويلاستىرىلعان جوق. ال ەندى ولاردىڭ جوسپارلارى تاۋسىلعاننان سوڭ، قايتادان جاڭا جوسپار قۇرۋعا ۋاقىت كەرەك. سەبەبى، الەمدەگى جاعداي ولاردىڭ ويلاعانىنداي جۇرمەي قالدى، ال الەمدى دۇرلىكتىرىپ وتىرعاندار جوسپارسىز ءىس اتقارا المايدى. دونالد ترامپقا كەلەتىن بولساق، ول ءوزىن بيلل كلينتون سەكىلدى اقكوڭىل ادام رەتىندە كورسەتىپ، جۇرتشىلىقتىڭ نازارىن وزىنە قاراي اۋدارادى. ول ۋاقىتتا رەسەيمەن كورشىلەس جاتقان ەلدەر، سونىمەن قاتار يسلام مەملەكەتتەرىنە قارسى جوسپار قۇرىلىپ، سونىڭ ارقاسىندا رەسەيدى دە جويۋدى كوزدەپ وتىر

اۋدارعان: نازەركە لابيحان