پارلامەنت ءماجىلىسىنىڭ دەپۋتاتى امانجان جامالوۆ حقكو-دا ورىن العان ادام ءولىمى  جايىندا پىكىر ءبىلدىردى دەپ حابارلايدى «NewTimes.kz» اگەنتتىگى.

«حققو-دا بولعان كىسى ءولىمى قازاقستاندا تىركەۋ جۇرگىزىلىپ جاتقاندىقتان دەپ ويلايسىزدار ما؟ كىسى ولسە نە بوپتى، ماسەلەن، ول دەنساۋلىق جاعدايىنا بايلانىستى ۇيىندە جاتىپ تا، ءولىپ كەتۋى مۇمكىن ەدى عوي. مۇنداي ماسەلەمەن جەدەل جاردەم قىزمەتكەرلەرىنە جۇگىنۋ كەرەك»، – دەدى دەپۋتات. 

«مەن ءوزىمدى كىنالى دەپ سانامايمىن. ءبىز كوپتەگەن زاڭدار قابىلدايمىز ال زاڭداردى جۇزەگە اسىرۋ – قاجەتتى شارا. قازىرگى ۋاقىتتا تىركەۋ دۇرىس باعىتتا جۇرگىزىلىپ جاتقانىنا ەشكىم كۇمان كەلتىرمەيدى»، – دەپ مالىمدەدى جامالوۆ.

ەستەرىڭىزگە سالا كەتەيىك، بۇگىن الماتى قالاسىنىڭ الاتاۋ اۋدانىنىڭ حقكو-دا 53 جاستاعى ەر ادام قايتىس بولدى.

ال، ودان بولەك، 11 قاڭتار كۇنى الماتى وبلىسىنىڭ ىلە اۋدانىناداعى حقكو-دا 60 جاستاعى ەر ادام كوز جۇمعان بولاتىن.

دەپۋتاتتىڭ بۇلايشا اقتالۋى ءقازىردىڭ وزىندە حالىقتىڭ نارازىلىعىن تۋعىزىپ، جەلىدە قىزۋ تالقىلانۋدا. سولاردىڭ ءبىرى "Facebook" پاراقشاسىندا مىنانداي دا پىكىر بىلدىرگەن. 

ۇلاربەك دالەي ۇلى: «ازاماتتاردى ۋاقىتشا تىركەۋ تۋرالى زاڭ» ارقىلى ءبىزدىڭ بيلىكتىڭ بۇلىكشىلەرمەن، تەرروريستەرمەن، ت.ب. قىلمىستىق جاعدايلارمەن كۇرەسۋگە دايىن ەمەس ءھام قاۋقارسىز ەكەنىن كورسەتتى. سونىمەن قوسا، بۇل پىسپەگەن زاڭى ارقىلى جوعارىدا قانشاما ءبىلىمسىز مامانداردىڭ ەل قازىناسىنان ايلىق الىپ وتىرعانىن دا بىلدىك. ەكى ادامنىڭ ولىمىنە سەبەپ بولدى. ەندى ماراتوريي جاريالايدى دەپ ويلايمىز. الدە، تاۋەلسىزدىكتىڭ 26 جىلدىعىنا وراي حقكو-دا ۋاقىتشا تىركەۋگە كەلگەن 26-شى ادامنىڭ ولىمىنەن كەيىن بارىپ، بۇل شيكى، اسىعىس زاڭعا توقتاۋ قويىلا ما، الدە؟.."

ۆيدەو "ازاتتىق راديوسى" سايتىنان الىندى.