2017 جىلدىڭ جازىندا بولاتىن ەكسپو كورمەسىنىڭ لوگوتيپى رەتىند جاسالعان قۋىرشاقتار حالىق اراسىندا ءبىراز تالقىعا ءتۇسىپ، نازارعا ىلىككەن بولاتىن. ولاردىڭ ادام شوشىتارلىق تۇرلەرىنە جۇرت ءوز نارازىلىعىن بىلدىرگەن. الايدا، سول قۋىرشاقتار قوعامدا ءورشىپ تۇرعان ماسەلەلەر جايلى ءان شىرقاۋدا. "ءبىز مۇنداي ءومىردى كورمەگەنبىز" اتتى بەينەباياندا ەلىمىزدەگى ماسەلەلەر ءزىلدى كەكەسىنمەن ايتىلعان.
سونىمەن قاتار "دەپۋتات بولعىم كەلەدى" بەينەبايانى بيلىكتەگى شەنەۋنىكتەرگە قاراتىلىپ ايتىلعان ءزىلدى ءازىل ەكەنى كورىنىپ تۇر.
قازاقستاندىق فۋتبول ويىنشىلارىن قاتاڭ سىنعا العان نۇرتاستىڭ ءوزى دە ەكسپو قۋىرشاقتارىنىڭ كەكەسىنىنە ىلىكتى.
بيىلعى جىلدىڭ قاڭتار ايىندا قابىلدانعان جاڭا زاڭ - ۋاقىتشا تىركەۋ ماسەلەسى دە بۇل سىننان كەندە قالعان جوق.
جەر ماسەلەسىن توقالمەن بايلانىستىرىپ، ءبىراز داۋعا ىلىككەن ءانشى ءقىدىرالى بولمانوۆقا ەكسپو-نىڭ ساۋلە اتتى قۋىرشاعى ءوزىن توقالدىققا الۋىن وتىنۋدە.
