بۇرىن اۆتوكولىكتى بوياۋ جانە ارلەۋ پروسەسى تەك ادام قولىمەن اتقارىلاتىن، قيىن ءارى ۋاقىتتى كوپ قاجەت ەتەتىن جۇمىس بولسا، ەندى بۇل مىندەتتەردى روبوتتار جىلدام ءارى ءدال ورىندايدى. وسىعان وراي، الماتىدا Auto Space Detailing كومپانياسىندا جاڭا تەحنولوگيانىڭ اشىلۋ سالتاناتى ءوتتى.

Auto Space Detailing ورتالىعى 10 جىلدان بەرى كولىكتەردىڭ ءىشىن بەزەندىرۋمەن اينالىسىپ كەلەدى. كولىكتىڭ ورىندىق جابدىقتارى، 3D توسەنىشتەرى جانە باسقا دا ىشكى بەزەندىرۋ جۇمىستارى وسى ورتالىقتىڭ نەگىزگى باعىتى بولىپ تابىلادى. الايدا سوڭعى ءبىر جىلدا كولىكتىڭ سىرتىن ارلەۋ بويىنشا جاڭا تەحنولوگيانى ەنگىزىپ وتىر.

بۇل جاڭا تەحنولوگيانى ەلىمىزگە العاش الىپ كەلگەن كاسىپكەر قۇمار جۇماقان كولىكتەردى روبوتتاردىڭ كومەگىمەن بوياۋدىڭ ادامعا دا، ەكولوگياعا دا زيانىن تيگىزبەيتىنىن اتاپ ءوتتى.

• "وسىعان دەيىن كولىكتىڭ ءىشىن قامتاماسىز ەتەتىن قازاقستان مەن قىرعىزستان بويىنشا جۇمىس ىستەيمىز. بىرنەشە شاعىن ورتالىقتارىمىز بار. ال ءقازىر ءبىز سىزدەردى روبوتتار كومەگىمەن جاسالاتىن جاڭا ونىممەن تانىستىرامىز. روبوتتاندىرىلعان بوياۋ جۇيەلەرى – جاساندى ينتەللەكت، كومپيۋتەرلىك كورۋ جانە اۆتوماتتاندىرىلعان باسقارۋ جۇيەلەرىمەن جابدىقتالعان قۇرىلعىلار. ولار كولىك كۋزوۆىن ءمىنسىز بوياپ، ارلەۋ جۇمىستارىن ساپالى جانە بىركەلكى ورىندايدى. بوياۋ بۇركۋ پروسەسى ميكرومەترلىك دالدىكپەن جۇزەگە اسىرىلىپ، بوياۋ شىعىنىن ازايتۋعا جانە قورشاعان ورتاعا زيان تيگىزبەۋگە مۇمكىندىك بەرەدى،" – دەيدى كاسىپكەر.

جاڭا تەحنولوگيانىڭ تۇساۋىن كاسىپكەردىڭ ارىپتەستەرى كەسىپ، جىلى لەبىزدەرىن ءبىلدىردى.

• "ءاربىر كاسىپتە تىنباي ەڭبەك ەتسەڭ، جەتىستىككە جەتەسىڭ دەگەندى قۇمار باۋىرىمىزدان كورۋگە بولادى. اۆتو مودا كەزىندە تىنباي ەڭبەك ەتىپ، جۇگىرىپ جۇرگەنىن كورگەنبىز. بۇل دەتەيلينگتى اشاتىن كەزدە دە جۇڭگو مەن ەلىمىزدىڭ ورتاسىندا ىزدەنىپ، جۇگىرىپ ءجۇردى. بۇرىن قازاعىم اتتىڭ قۇلاعىندا ويناسا، ءقازىر تەمىر تۇلپاردىڭ قۇلاعىندا وينايتىن بولدى. قۇمار باۋىرىمىز كەرەمەت جاڭالىقتى تاريح جاساپ، ەلىمىزگە اكەلىپ جاتىر،" – دەيدى دوستارى.

جيىن بارىسىندا كومپانيا قىزمەتكەرلەرىنە باسپانا سىيعا تارتىلدى. سونداي-اق، كەلۋشىلەرگە جاڭا تەحنولوگيانىڭ جۇمىس پروسەسى تولىقتاي تانىستىرىلدى.

تۇساۋكەسەر جيىنىنىڭ سوڭىندا قاتىسۋشىلار اراسىندا لوتورەيا ويناتىلدى. ءى ورىنعا 1 ميلليون 400 مىڭ تەڭگە تۇراتىن اۆتوكولىككە قورعانىش سۇيىق قابىقشا ورناتاتىن قىزمەت ۇسىنىلسا، ءىى ورىنعا 50 پايىز جەڭىلدىكپەن،  ال ءىىى ورىنعا 30 پايىز جەڭىلدىكپەن اۆتوكولىككە كەز كەلگەن قىزمەت الۋ مۇمكىندىگى بەرىلدى.