الەۋمەتتىك جەلىلەردە ۇقشۇ ءتوراعاسى يمانعالي تاسماعامبەتوۆكە قاتىستى ايىپتاۋلار تارالعان بولاتىن. كەشە ول قازاقستان ازاماتتارىنا مالىمدەمە جاساپ، حالىق الدىندا ءجۇزى اشىق ەكەنىن مالىمدەدى.
كەيبىر جەلى قولدانۋشىلارى تاسماعامبەتوۆتىڭ ۇجىمدىق قاۋىپسىزدىك تۋرالى شارت ۇيىمى قىزمەتى مەن ەلگە دەگەن ادالدىعىنا كۇمان كەلتىرگەن ەدى. كەيبىرى ونى «رەسەيشىل»، «ساتقىن» دەپ تە ايىپتادى.
يمانعالي تاسماعامبەتوۆ وسىعان قاتىستى پىكىرىن ءبىلدىردى.
«الەۋمەتتىك جەلىگە سەنگەن كەيبىر ادامدار ۇندەمەگەندى باسقا تەۋىپ، تابانىنا تاستاۋعا دايار، جاعادان الىپ، جانىشتاۋعا قۇمار ەكەندىگىنە كوزىم ابدەن جەتتى. سوندىقتان دا ازدى-كوپ ابىروي، اتىمدى بولىمسىز ورتانىڭ ساۋداسىنا سالماي، بارشا ايىپ تاققىش جارانعا ءبىر جاۋابىن بەرسەم دەپ شەشتىم»، – دەپ اشىق ايتتى.
ال ونى «رەسەيشىل» دەپ ايىپتاعاندارعا بىلاي دەپ جاۋاپ بەردى:
«تۋعان جەرىنە سالماعى جوق، جەل ايداعان ءدانسىز قاۋىز ءتارىزدى كەيبىر باقىتسىز جاندار ءۇشىن مەن رەسەيشىل، ساتقىن ەكەنمىن. سوندا قالاي؟! كەلىسىم ءسوزدىڭ كۇشى ەمەس، زىمىراننىڭ مىسى باسىپ تۇرعان مىنا زاماندا حالىقارالىق اسكەري ۇيىمعا تۋعان ەلىمنىڭ اتىنان بارىپ، قاۋىپسىزدىك ءۇشىن وتقا، مۇددە ءۇشىن سۋعا تۇسكەنىم ءۇشىن بە؟ ەگەر ءدال سولاي بولسا، وندا مەن زامانىندا «ورىسشىلسىڭ» دەپ ايىپتالعان ۇلى ابايدىڭ سوزىمەن قايىرايىن: «ادامنان نادان ارتپاس ۇققانمەنەن، تاعدىر كورمەي قويمايدى بۇققانمەنەن» دەيدى. ياعني، جۇرەگىڭ ازاپتان جارىلايىن دەپ تۇرسا دا، ءقادىرىڭدى بىلمەگەننىڭ الدىندا ەڭسەڭدى تۇسىرمە دەگەن. سوندىقتان تۇسىنگەندەردى باعالاپ، تۇسىنبەگەندەردى سارالاپ وتەتىن ءومىر بۇل»،
– دەدى تاسماعامبەتوۆ.
پىكىر قالدىرۋ