پريدنەستروۆتان كەلگەن بوسقىننىڭ ۇلى ورىستاردان قورقاتىن يسپاندىق مەكتەپتەگى مۇعالىمدەردىڭ قۇربانىنا اينالدى. بالانىڭ اتا-اناسى بۇعان كامىل سەنىمدى بولىپ وتىر، دەپ حابارلايدى life.ru، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

ايقاي-شۋ ماربەللا قالاسىنداعى ۆالدەولەتتا مەكتەبىندە بولعان. ماريا انگەلەس اتتى ءمۇعالىم بوسقىنداردىڭ ءبىرىنىڭ ۇلىن ورىس دەپ ويلاپ ساباپ تاستاعان.

سوققىعا ۇشىراعان ءبىرىنشى سىنىپ وقۋشىسى چارلز بۋتانىڭ اتا-اناسى پريدنەستروۆتىڭ تۋمالارى. سولارمەن بىرگە بالا يسپانياعا ەرتە كوشىپ كەلگەن، سول سەبەپتى دە يسپان ءتىلىن انا تىلىندەي جەتىك مەڭگەرگەن، ال ورىس ءتىلىن مۇلدەم بىلمەيدى ەكەن. الايدا، مەكتەپتە بۇل بالانى ورىستىڭ ءدال ءوزى دەپ ويلاعان. اناسىنىڭ ايتۋىنشا، كيكىلجىڭدەر وتە كوپ بولاتىن، ال بىرنەشە كۇن بۇرىن بالسىنىڭ بەتىنەن سوققىنىڭ ءىزىن بايقاعان.

– مەن بالامدى مەكتەپتەن ۇنەمى ءوزىم الىپ قايتامىن. ءبىر كۇنى بارسام بالامنىڭ بەتى ءىسىپ كەتكەن، - دەيدى ناتاليا رۋدەنكو. – بالانىڭ مازاسى جوق، مەنى يتەرمەلەپ، مەكتەپتەن تەزىرەك كەتىپ قالۋىمىزدى ءوتىندى، ءبىراق مەن مۇنىڭ ءمان-جايىن بىلەيىن دەدىم. مۇعالىمنەن نە بولعانىن سۇراسام، ماعان «بىلمەيمىن، بالاڭنان سۇرا» دەپ جاۋاپ بەردى.

كەيىننەن ناتاليانىڭ ۇلى مەكتەپكە ەرىكسىز بارىپ، ىشتەي تىنىپ جۇرگەن. ءتىپتى، دالاعا دا كوپ شىقپاۋعا تىرىساتىن.اتا-اناسى بالالارىنىڭ بىرەۋدەن قورقىپ جۇرگەنىن بايقاپ، سىنىپتاستارىمەن ۇرسىسىپ قالدى دەپ تۇيگەن. بالالارىنىڭ مۇعالىمنەن تاياق جەۋى مۇمكىن دەگەندى مۇلدەم ويلاماعان دا.

نە بولعانىن بالا اناسىنا بىرنەشە اي وتكەننەن سوڭ ايتىپ بەرگەن. ناتاليا  ءمۇعالىمدى «بالاعا زورلىق كورسەتتى» دەگەن ايىپپەن جاۋاپقا تارتۋىن تالاپ ەتىپ پوليسياعا ارىز جازعان.

سونىمەن قاتار چارلزدىڭ اناسى ادۆوكاتپەن بىرگە مەكتەپ ديرەكتورىمەن سويلەسۋگە بارعان، ال ولار كىنالارىن مويىنداماي، جالتارا باستاپتى. دەگەنمەن، مەكتەپ قىزمەتكەرلەرى ناتاليانىڭ ۇلىندا ەشقانداي دا ورىستىڭ قانى جوق، بالا مولدوۆا ۇلتىنان ەكەنىنە تاڭقالعاندارىن جاسىرماعان.

– بۇگىن مەنىمەن بىرگە ءتىلماش بولدى. سول بالانىڭ ەشقانداي دا ورىس ەمەستىگىن بىلەسىزدەر مە دەپ سۇراعان. ونىڭ ۇلتى بولەك جانە ول ەشقاشان دا ورىسشا سويلەپ كورگەن ەمەس دەگەنىندە مەكتەپ قىزمەتكەرلەرىنىڭ جۇزىنەن ۇلكەن تاڭدانىس بايقالدى، - دەيدى ناتاليا.

ماريا انگەلەس ءمۇعالىمدى قىزمەتىنەن بوساتپايىنشا ءبۇلدىرشىن چارلزدى مەكتەپكە پسيحولوگيالىق قىزمەت كورسەتەتىن مامان الىپ بارىپ جۇرەدى. ناتاليانىڭ ءوزىن بالاسىنا قاتتى ۋايىمداعاندىقتان جۇرەك اۋرۋىنا قاتىستى اۋرۋحاناعا جاتقىزىپتى.

يسپاندىق ۆالدەولوتتا لايفۋ مەكتەبىنىڭ باسشىلىعىمەن تىلدەسۋ مۇمكىن بولماپتى.

اۋدارعان: نازەركە لابيحان