2017 جىلعى 25 قاڭتاردا استانادا 28ء-شى دۇنيەجۇزىلىك قىسقى ۋنيۆەرسيادا-2017 الاۋىنىڭ ەستافەتاسى وتەدى.
الاۋ ەستافەتاسى ساعات 11:00-دە نازاربايەۆ ۋنيۆەرسيتەتىنەن باستالىپ، قالا اكىمدىگىنىڭ ماڭىنداعى الاڭدا اياقتالدى. الاۋدى بەلسەندى ستۋدەنتتەر مەن استانالىق سپورتشىلار، بارلىعى 60 ادام الىپ ءوتتى. سونىڭ ىشىندە ەسىمدەرى ەلگە ايان ۆاسيليي ليەۆيت، ماديار يبرايىمبەكوۆ، ءمولدىر مەكەنبايەۆا سياقتى سپورتشىلار بار.
ەستافەتا 2 كەزەڭگە ءبولىندى. ول قابانباي باتىر داڭعىلى - دوستىق ك-سى - قونايەۆ ك-سى - بارايەۆ ك-سى - رەسپۋبليكا داڭعىلى- كەنەسارى ك-سى سىندى قالانىڭ ورتالىق كوشەلەرىمەن ءوتتى. الاۋ ەستافەتاسىنىڭ جالپى ۇزىندىعى - 12 شاقىرىمدى قۇرادى.
ءبىرىنشى كەزەڭ اياقتالىسىمەن «بايتەرەك» مونۋمەنتىنىڭ الدىندا تۇرعىندار مەن قالا قوناقتارىنا ارنالعان كونسەرتتىك باعدارلاما قويىلدى.
ەكىنشى كەزەڭدە الاۋ رەسپۋبليكالىق شتاب وكىلدەرىنە تابىستالىپ، 2017 جىلعى 28ء-شى دۇنيەجۇزىلىك ۋنيۆەرسيادانىڭ اشىلۋ سالتاناتىنا قاتىسۋ ءۇشىن استانا-الماتى اۋە رەيسىمەن وڭتۇستىك استاناعا جونەلتىلدى.
