دارەت الۋ بولمەسىندەگى ىلگىشكە كۇرتكەسىن قالدىرىپ كەتكەن الماتىلىقتىڭ 110 مىڭ تەڭگەسى مەن Samsung Galaxy s6 Edge ۇيالى تەلەفونى ۇرلانعان. الماتىلىق جىگىت بۇل تۋرالى Tengrinews.kz تىلشىسىنە بەرگەن سۇحباتىندا ايتىپ بەردى. ونىڭ ايتۋىنشا، بۇل وقيعا 2017 جىلدىڭ 15 قاڭتارىندا فەدوروۆ پەن گونچاروۆ كوشەلەرىنىڭ قيىلىسىندا ورنالاسقان ءال-مادينا مەشىتىندە بولعان.

الماتىلىقتىڭ ايتۋىنشا، ول كۇرتكەسىن ءىلىپ، ناماز وقۋدىڭ الدىندا دارەت الۋ بولمەسىنە كىرگەن. سودان كەيىن ۆيدەوداعى كادرلارعا قاراعاندا، بەلگىسىز ەر ادام كۇرتكەدەن ءامياندى الىپ، وندا جاتقان تەلەفوندى، اقشانى جانە كۋالىكتى الىپ شىققان. "دارەت الۋعا شامامەن 5-10 مينۋت كەتتى. سودان بولمەدەن شىعىپ، كۇرتكەمدى كيدىم - كۇرتكەم جەپ-جەڭىل. سويتسەم كۇرتكەمدە تەلەفون دا، ءاميان دا جوق"، - دەيدى ەر ادام.

سونداي-اق، ول جوعالعان قاراجاتتىڭ تاۋار الۋعا قاجەت بولعانىن ايتتى. ەر ادام دۇكەندە جۇمىس ىستەيدى ەكەن. وسى وقيعادان كەيىن ول جەتىسۋ اۋداندىق ىىب-نە ارىز جازعان. "ءالى حابار كەلگەن جوق"، - دەيدى ەر ادام. ونىڭ ايتۋىنشا، كۋالىك كەيىننەن مەشىتتەگى اياقكيىمدەرگە ارنالعان جاشىكتەن "تابىلعان". قۇجاتتىڭ تابىلعانى تۋرالى ەر ادامعا مەشىت يمامى حابارلاپتى. "قايتارىپ بەرەيىن دەپ شەشكەن عوي"، - دەيدى ەر ادام.

ءوز كەزەگىندە الماتى قالالىق ءىىد رەسمي وكىلى سالتانات ازىربەك 2017 جىلدىڭ 15 قاڭتارىندا جەتىسۋ اۋداندىق ىىب-نە تۇسكەن ارىز بويىنشا سوتقا ق ر قىلمىستىق كودەكسىنىڭ 188-بابىنىڭ 1-بولىگى بويىنشا ("ۇرلىق") سوتقا دەيىنگى تەرگەۋ جۇمىستارىنىڭ باستالعانىن ايتتى. "بەلگىسىز بىرەۋلەر ىشىندە اقشا مەن ۇيالى تەلەفون بولعان ءامياندى ۇرلاپ كەتكەن. وسى قىلمىستى اشۋ ماقساتىندا جەدەل-تەرگەۋ توبى قۇرىلدى"، - دەدى ءىىد وكىلدەرى. وسىعان بايلانىستى پوليسيا وكىلدەرى ازاماتتاردان ءوز مۇلىكتەرىنە يە بولىپ، قوعامدىق جەرلەردە قالدىرىپ كەتپەۋلەرىن سۇرايدى.