قازاقستان اسكەري-اۋە كۇشتەرىنىڭ اۋەايلاعىنا جاڭا سوققى بەرەتىن مي-35م تىكۇشاعى اكەلىندى دەپ حابارلادى قورعانى مينيسترلىگى.
ءتورت كوپ ماقساتتى سوققۋ بەرۋشى مي-35م تىكۇشاعى العاش رەت قازاقستان اسكەري-اۋە كۇشتەرىنىڭ قارۋ-جاراق قاتارىنا قوسىلىپ، ەلىمىزدىڭ وڭتۇستىگىندەگى تۇراقتى مەكەنىنە جەتكىزىلدى. اكەلىنگەن تىكۇشاقتار لەگىن پايدالانۋ ەلىمىزدەگى اسكەري-اۋە كۇشتەرىنىڭ ۇرىس قابىلەتىن ارتتىرۋعا مۇمكىندىك بەرەدى. ۇشقىشتار قۇرامى قايتا وقۋدان ءوتىپ، اۆياسياعا اكەلىنگەن جاڭا تەحنيكانى ۇشۋدا سىناپ كورۋگە دايىن. اتالعان مي-35م تىكۇشاعىنىڭ بيىك ۇشۋ-تەحنيكالىق سيپاتتاماسى بار، ول جوعارى تەمپەراتۋرا جاعدايلارىندا مەن بيىك تاۋلاردان ۇشۋدان قولدانۋدا جاقسى ناتيجە بەرەدى. بۇل تىكۇشاق جاي جانە قولايسىز اۋا-رايىندا باسقارىلاتىن جانە باسقارىلمايتىن قارۋ-جاراقتى ۇرىستا تاۋلىك بويى قولدانۋدى قامتاماسىز ەتەدى، سونداي-اق كوزدەگەن ماقساتىنا كۇندىز 10-25 مەتر بيىكتىكتە ۇشۋدى، ال تۇندە كەمىندە 50 مەتر بيىكتىكتە ۇشۋدى ورىنداي الادى.
مي-35م تىكۇشاعىنىڭ ناۆيگاسياسى مەن ەلەكتروندى ينديكاسياسىنىڭ زاماناۋي كەشەنمەن جابدىقتالۋى وسىنداي تاپسىرمالاردى ورىنداۋعا مۇمكىندىك بەرەدى. بۇدان وزگە، ۇرىس ماشيناسىنىڭ شابۋىلدان قورعانۋ كەشەنى مەن قوسىمشا وپسيالارى بار. مي-35م تاعى دا ءبىر ارتىقشىلىعى ونىڭ قۇرىلىسىنىڭ جەتىكتىگىندە، ياعني تىكۇشاق اكۋستيكالىق بەلگىلەرىن تومەندەتىپ، ۇرىسقا شىدامدىلىعىن ارتتىرادى، سونداي-اق تەحنيكالىق قىزمەت كورسەتۋدەگى قيىندىقتاردى تومەندەتە الادى. نەگىزگى سوققى بەرەتىن قىزمەتتەرىنەن وزگە، مي-35م تىكۇشاعى جەكە قۇرام مەن جۇكتەردى تاسىمالداۋ، مەديسينالىق قىزمەتكەرلەرمەن قوسا سىرقاتتار مەن جارالىلاردى الىپ ءجۇرۋ ءۇشىن پايدالانىلادى. قازاقستان مەن رەسەي اراسىنداعى اسكەري-تەحنيكالىق ىنتىماقتاستىق، سونداي-اق ق ر قورعانىس مينيسترلىگى مەن روسوبورونەكسپورت كاسىپورنىنىڭ اراسىنداعى شارت اياسىندا تىكۇشاقتاردى جەتكىزۋ جۇزەگە اسىرىلعانىن ايتا كەتكەن ءجون.
