1999 جىلى اقپانداعى شىنايى وقيعاعا نەگىزدەلگەن كىتاپ جارىق كوردى.

وزبەكستاننىڭ ءبىرىنشى پرەزيدەنتى يسلام كارىموۆكە قاستاندىق جاسالماق بولعانى جايلى رومان جارىق كوردى، دەپ حابارلايدى  Sputnik.

اۆتورى وزبەك جازۋشىسى اكبار مىرزانىڭ ادەبي تۋىندىسى دا سولاي اتالادى – «سۋيكاسد» («قاستاندىق»). بۇگىن وزبەكستاننىڭ باس قالاسىندا بۇل كىتاپتىڭ پرەزەنتاسياسى ءوتتى.

رومان 1999 جىلى اقپاندا ۋاھھابشىلار تاشكەنتتە تەرروريستيكالىق شابۋىلعا دايىندالىپ جۇرگەن كەزدەگى شىنايى وقيعاعا نەگىزدەلگەن. ولاردىڭ نىساندارىنىڭ ءبىرى پرەزيدەنت كارىموۆ بولعان. سيۋجەت اۋىر سىناقتاردى باسىنان وتكىزىپ، ءوز-وزىن بايسالدى ۇستاي بىلگەن ەرجۇرەك مەملەكەت باسشىسىنىڭ وبرازىن باياندايدى.

اۆتور كىتاپتا بۇل قىلمىستىڭ قالاي اشىلعانىن، تەرگەۋ بارىسىندا قۇقىق قورعاۋ ورگاندارىنىڭ قالاي شيراق ءارى ناقتى ارەكەت ەتكەنى جايلى ايتقان. روماندا كوپتەگەن ۇمىتىلماس وبرازدار قالىپتاسقان.