عاسىر جاساعان كەيۋانانىڭ اعزاسى جاسارۋعا كوشتى. مامانداردىڭ ايتۋىنشا، ءتىس-جاقتىڭ دامۋى ەكى كەزەڭمەن جۇرەدى. ول ءسۇت تىستەردىڭ جانە تۇراقتى تىستەردىڭ شىعۋى. سوندىقتان، كەيۋانانىڭ بويىنداعى وزگەرىس دارىگەرلەردى دە تاڭعالدىردى، دەپ حابارلايدى قازاقستان ۇلتتىق ارناسى.

راۋشان اجەگە ءبىر ايدىڭ ىشىندە ەكى ءتىس شىقتى. ءبىراق ونىڭ ءوزى وڭايعا سوققان جوق، مازاسى كەتتى، دەنە قىزۋ كوتەرىلدى. تاڭدايى ءىسىپ، تاماق ءىشۋى قيىندادى. ءوزى دە قينالدى، وزگەلەردى دە ابىگەرگە سالدى. ءقازىر دە اجە ەشتەڭەنى دە جاقتىرىپ تۇرعان جوق.

«باستاپقىدا بايقاعان جوقپىز. مازا كەتىپ اۋىرا باستادى. ءۇش كۇننەن كەيىن قىزىل يەگىن جارىپ ەكى ءتىس شىقتى»، – دەيدى كەلىنى مايرا ءشارىپ قىزى.

مامانداردىڭ ايتۋىنشا، ءتىس جاقتىڭ دامۋى ەكى كەزەڭمەن جۇرەدى. ول ءسۇت تىستەردىڭ جانە تۇراقتى تىستەردىڭ شىعۋى. سوندىقتان كەيۋانانىڭ بويىنداعى وزگەرىس دارىگەرلەردى دە تاڭعالدىردى. اجەيدىڭ بۇدان بولەك اعارعان شاشى دا قارايا باستادى. مۇنى كۇن سايىن شاشىن تارايتىن نەمەرەسى ءبىرىنشى بولىپ بايقاعان.

«بۇل وزگەرىس اجەنىڭ دەنساۋلىعىنىڭ جاقسى بولۋىنان دەپ ويلايمىز. سەبەبى بۇل كىسى بىزدە ەشقانداي اۋرۋمەن ەسەپتە تۇرعان جوق. ەشقانداي ءدارى قابىلدامايدى. جۇرەك، باۋىر، بۇيرەك سەكىلدى ىشكى اعزا مۇشەلەرى قالىپتى دەگەن ءسوز»، – دەيدى دارىگەر جازيرا اعايداروۆا.

جالپى الەمدىك تاجىريبەدە ادام كۇتىنەر بولسا، ەكى ءجۇز جىلعا دەيىن ءومىر سۇرە الادى. ال قايتا جاسارۋ پروسەسى كەز كەلگەن ادامدا بولمايدى.

بۇعان دەيىن دارىگەرلەر مۇنداي قۇبىلىستى جاڭاقورعان اۋدانىنىڭ 101 جاستاعى تۇرعىنىنان بايقاسا، بۇل ەكىنشى جاعداي بولىپ وتىر.